Connect with us

Entrada hudicial den Cayenastraat y Caya Bohi: A detene cuater sospechoso y confisca droga

Aruba

Entrada hudicial den Cayenastraat y Caya Bohi: A detene cuater sospechoso y confisca droga


Un buskeda grandi a tuma luga awe den ora di mainta pa un caso di droga cu a finalisa cu cuater detencion, hayazgo di droga y diferente vehiculo confisca. Tur cos a cuminsa na momento kustwacht a capta movecion sospechoso riba lama. A tuma nota di un boto, bou nomber di Aneli ( A 1241 ) cu lo a dirigi si mes direccion zuid y na su yegada na Rodgers Beach, a mira con nan a pasa tas preto di e boto pa esnan na tera.

Na tera tabatin e Nissan March A- 22094 color blau cla wardando e boto, persona den e vehiculo a tuma e saconan over y dirigi su mes direccion abou. For di e momento aki, cu ta den careda di 11:00 am, a bati alarma y a cuminsa un buskeda pa e Nissan March den area di San Nicolas.

Diferente unidad y team special a staciona nan mes na puntonan strategico pa asina drenta den accion na momento cu localisa e vehiculo en cuestion. Den careda di 12:00 pm a observa e vehiculo aki drenta Isaac Wagemakerstraat y un rato despues a drenta Nieuwe weg caminda a bin encontra cu ne. Polis a presenta y topa e Nissan March, un van blanco y algun di e sospechosonan den e caso. 

A papia cu Rudolph Panama Maduro, cu a duna di conoce mesora cu e no sa di ningun droga, cu ta piscado e ta y ta net nan a baha for di boto. El a bay pisca den careda di 8:30 am. Tambe a duna di conoce cu no ta prome biaha kustwacht ta aborda su boto y cu segun e , nan tin un teima cu ne. Den su van e tin material di pesca manera entre otr liña, flepper y demas artefacto pero no tin droga.

Na mes momento autoridad a yega Cayenastraat, na cas di mayornan di Maduro y aki a warda riba ordo di fiscal pa por a drenta e cas. Team di recherche a haya ordo y mesroa a cuminsa e buskeda. Tin di bisa cu adicional na e cas den Cayenastraat, a drenta tambe un cas den Caya Bohi caminda cu autoridad a cuminsa listra pa droga. A busca den tur skina, tur kamber, tur caminda cu por pensa cu tin droga scondi. A canta bingo!

Detencion a cay:

Autoridad a detene Rudolph Panama Maduro, e chauffeur di e Nissan march, e tata di Panama cu ta un persona recien opera como tambe un persona mas cu tambe tabata encontra su mes den vecindario.

A tuma nota tambe cu recherche tabata listra den un Suzuki Swift bruin pero no a haya nada den dicho auto. A confisca e Nissan march como tambe e van blanco na sitio. Ministerio publico a confirma cu a haya droga y cu tin cuater persona deteni. Interogacion lo saca afo awo di unda e droga aki a bin y si tin mas hende envolvi den e caso aki.





Source link

Click to comment

Leave a Reply

Your email address will not be published. Required fields are marked *

More in Aruba

To Top