Connect with us

ENTIDAT PÚBLIKO BONEIRU A DIGITALISÁ DEN 2021

Caribe

ENTIDAT PÚBLIKO BONEIRU A DIGITALISÁ DEN 2021


Kralendijk– Entidat Públiko Boneiru (EPB a logra den 2021 ku e servisionan na komunidat a bira  i mas digital. Departamentonan di Post i Archivo, ICT, Komunikashon huntu a pone forsa ku un tim di digitalisashon pa tin un wèpsait nobo ku hopi formulario kaminda por hasi petishon online.

A integrá un modúlo pa traha sita via di e wèpsait nobo di EPB. Personanan por traha un sita via di e wèpsait pa un di e servisionan ku e departamento di Registro Sivil ta ofresé. For di lansamentu ofisial di e wèpsait, kasi 9.000 persona a hasi uzo di e wèpsait pa por traha un sita online. Un otro meta ku a keda realisá pa e tim di digitalisashon ta e diferente prosesonan ku a keda digitalisá. E prosesonan ta entre otro: pèrmit pa bende produkto, benta di vürwèrk, notifikashon di aktividatnan di Ordenansa General di Polis (APK), pèrmit di bufèt, pèrmit di prekario, pèrmit di establesimentu, pèrmit di bibida i hóreka i tambe pèrmit di konstrukshon.

Un otro tarea tabata pa na promé lugá inventarisá prosesonan di trabou di Entidat Públiko Boneiru i kaminda ta posibel digitalisá esakinan ku ayudo di e “zaaksysteem JOIN”. Punto di salida di e tim di digitalisashon ta pa via outomatisashon di e prosesonan di trabou engrandesé e efisiensia i forsa di ehekushon di aparato públiko. Tambe al mismo tiempo mehorá servisio den direkshon di komunidat di Boneiru.

“Digitalisashon di e prosesonan di e aparato públiko i e servisionan ku nos komo gobièrnu ta ofresé ta algun di e pasonan ku nos a tuma pa por mehorá nos servisio i traha mas efisiente. Digitalisashon no ta nifiká solamente djis bai online pero e ta brinda e oportunidat amplio pa inventarisá i trese kambio kaminda ta nesesario. Nos ta kontentu ku den un tempu korto nos por a kòrta den e tempu ku ta otorgá pèrmit, nos tin pèrmit ku ta sali den dos dia. Den tur esaki siudadanonan di Boneiru ta sentral’, segun diputado di desaroyo ekonómiko Hennyson Thielman.

E tim di digitalisashon ta kontinuá ku e proseso pa digitalisá aparato públiko i siudadanonan por ferwagt mas servisio di gobièrnu aksesibel online.






Source link

Click to comment

Leave a Reply

Your email address will not be published. Required fields are marked *

More in Caribe

To Top