Connect with us

Enfermera na Hospital Reina San Juan ta empleado di luna mei 

Caribe

Enfermera na Hospital Reina San Juan ta empleado di luna mei 


IMG 0563 2

Enfermera Reina di departamento A4 tabata bezig ta regla algun cos pa su manager y djey nan dos a cana drenta e camber di reunion unda el a topa cu tur dos miembro di Hunta di Directiva, su famia y varios colega directo y indirecto yena cu animo den tema di Hawaii. Su cara  ful sorprendi paso e no a sospecha nada. Un sorpresa masha grandi cu a lag’e emociona. Un momento sigur inolvidabel y merecidamente unda cu a pone Reina den ‘spotlight’ pa tur e trabou ehemplar cu e ta eherce na HOH.  

Reina ta traha incansablemente pa su pashentnan. E ta switch facilmente entre diferente tareanan y semper ta yena di energia. E ta sumamente flexibel, talentoso y ta responde lihe riba trabounan cu tin cu wordo ehecuta. E ta dedica na duna servicio di calidad di un forma  cu solamente Reina por, semper cu respet pa su pashentnan sin importa con druk e por ta. Semper e ta para cla pa su pashentnan y ta keda profesional, calmo y positivo hasta den tempo di stress. 

IMG 0563 2

E ta trece un toke unico y ta un inspiracion pa otro coleganan rond di dje. Reina ta un berdadero teamplayer sea cu e ta yuda coleganan directo of tambe di otro departamento. 

HOH ta impresiona cu su profundo experencia y conocemento di enfermeria. E ta bay ‘the extra mile’ pa yuda otro y su dedicacion pa ehecuta su trabou di nivel halto ta di admira. Semper e ta busca manera pa mehora e cuido y ta surpasa expectativanan. Su coleganan hasta mester cord’e pa tuma pauze cu ta demostra su empuhe enorme pa caba cu trabounan. “Reina ta mi man drechi; e ta traha cu hopi amor y mi por conta semper riba dje. Reina semper t’ey!”, su manager di cuido Jo-Anne Caster ta conta. 

Reina su dedicacion pa sigui tur protocol y percura pa e siguridad di pashent ta di admira. Claramente Reina a demostra di ta un colega ehemplar cu merece e tremendo reconocemento aki. Hunta di Directiva, management y coleganan ta hopi orguyoso di tin Reina como colega y henter team HOH ta spera cu e keda hopi mas aña cu nos. Masha pabien Reina!    





Source link

More in Caribe

A2Z ADMINISTRATION

AD

To Top