Connect with us

Encuesta ta dividi riba uso di idioma na scol na Aruba

Aruba

Encuesta ta dividi riba uso di idioma na scol na Aruba


Posted on 12/1/2021 9:23 am AST | Updated on 12/1/2021 9:33 am AST

ORANJESTAD – E ultimo encuesta di noticiacla.com ta dividi casi mitad-mitad riba uso di idioma na scol na Aruba. Un grupo marginalmente mas grandi di esnan cu a participa den e encuesta mas reciente di Noticiacla.com, a scohe pa nan yiunan bay un scol multilingual, y ta prefera pa e idioma den scol primario y secundario ta multilingual. Di otro banda tabatin un division entre esnan encuesta si gobierno por of no por impone e idioma di instruccion na scol na Aruba. Den e encuesta electronico aki, algo mas cu 500 persona a participa durante 5 dia, di cual mayoria tabata di edad 45-pa 54 y mayoria procedente di districto di Noord.  

RESULTADONAN

Manera indica, loke tabata interesante tabata e resultado riba e decision di uso di idioma di instruccion. Un di e preguntanan p.e. tabata ‘Bo ta di opinion cu por dicidi ariba cual ta e idioma di instruccion di scolnan di Aruba pa e proximo generacionnan sin consulta cu pueblo (mayornan) y dicidi pa Gobierno /Departamento concerni? Aki tabatin un division entre esnan entre cu a contesta  SI y NO (No tabata 50.1% vs Si 49.9%). Di otro banda, ora cu a puntra si bo ta di acuerdo cu un referendum pa pueblo mes escohe cual ta e idioma di instruccion di scolnan aki na Aruba (excepto International school of scolnan excepcional cu ta pidi di antemano pa usa otro idioma di instruccion) pa motibo di su gran impacto di idioma di instruccion den nivel di bida, gasto di educacion superior (sea na Hulanda, Merca (USA), America Latina) di e pais y su habitantenan, aki tambe esnan encuesta tambe tabata dividi 50-50%. 50.1% a bisa SI, mientras cu 49.6% a bisa NO. Pues un mayoria tambe marginal no kier pa gobierno dicidi su so, pero e opcion pa un referendum tambe nan ta dividi.

IDIOMA SCOLPRIMARIO

REFERENDUM PA SCOHE

Mientras cu si tin division riba si mester tene referendum riba e temanan of no, si dicidi finalmente pa tene referendum pa escoge cual ta e idioma (nan) exclusivo di instruccion (verbal) y idioma principal di bukinan den klas, y ta sigui duna les (manera ta awe) di idioma Papiamento, Ingles, Spaño, (y den VWO/HAVO Frances) como idioma Materia/Vakken), e grupo mas grandi (42.2%) a scohe pa esaki ta multilingual y (40%)a escoge Hulandes exclusivamente.

IDIOMA) ACUERDO%20PA%20TENE%20REFERENDUM

IDIOMA SIBINREFERENDUM CONLOVOTA

MULTILINGUAL

Den e parti unda cu ta puntra si abo por scoge awe ainda cual ta e scol scol bo yiunan mester a bai (si ya nan a cuminsa of caba scol caba) of lo bai (pa esnan cu ainda no a bai scol), cual scol bo lo a prefera pa e bai desde scol primario (kleuter te cu 6de klas), un grupo mas grandi (46%) a scohe pa scol cu ta usa diferente idioma pa duna les y e bukinan tambe diferente idioma y (43%) a escoge idioma Hulandes. Riba e pregunta di ki idioma di instruccion y lenguahe den e bukinan bo ta prefera pa nos tin na Aruba den scol Primario, un 43% di esnan cu a participa, a scohe tambe pa multilingual y (40%) a escoge idioma Hulandes. Y riba e pregunta pa ki idioma di instruccion y lenguahe den e bukinan bo ta prefera pa nos tin na Aruba den scol secundario, e grupo mas grandi (51%) a scohe pa multilingual y (42%) a escoge Hulandes.  

VARIOS DETAYES

Ta bon pa sa tambe cu entre esnan cu a participa na e encuesta, 71% tabatin papiamento como idioma materno, un grupo mas grandi a caba scol secundario di cual e grupo mas grandi tabata MAVO (40%), sigui pa HAVO (24%) y VWO 20%. 

PAPIAMENTO

Loke tambe ta interesante ta cu pa uso di lenguage na scolnan tanto primario como secundario, e opcion di idioma cu a sigui, ta hulandes y despues papiamento. Esaki no obstante cu e grupo mas grandi tabatin papiamento como nan idioma materno.

E cqntidad di participante tabata algo mas cu 500. 

Considerando e resultado, un estudio di opinion di e poblacion y mayornan en particular riba preferencia di idioma ta hopi importante. Vooral cu e opinionnan, tumando na cuenta margen di error di 5%, e opinion ta practicamente dividi den dos banda. Permanencia di opcionnan Hulandes exclusivamente banda di scol multilingual lo trese consenso den e poblacion y cumpli cu tur dos banda di opinion.

DISCLAIMER

Noticiacla manera semper, no ta pretende cu su encuestanan ta representa henter e isla, ni cu tur hende tabatin acceso, mirando cu esaki tabata un encuesta electronico, pues cu no tur hende tin acceso na esaki. Ademas ta conciente cu debi na e seccion di idioma, varios no a completa e encuesta completo pa e motibo ey. Asina mes, e ta un indicacion interesante entre usuarionan di Noticiacla y ta genera material suficiente pa tene na consideracion.





Source link

Click to comment

Leave a Reply

Your email address will not be published.

More in Aruba

To Top