Connect with us

Encuesta di studiante tocante confiansa den gobierno di Aruba

Aruba

Encuesta di studiante tocante confiansa den gobierno di Aruba


Ta importante pa nos di 24ora.com subraya cu nos portanan semper ta habri pa un y tur cu tin cualkier preocupacion, peticion, denuncia of keho y cu ta sinti cu nos lo por yuda nan den e forma di trece e informacion aki den comunidad. Recientemente un studiante di Universidad di Aruba, Elena Otanez, a acerca nos pa nos publica un encuesta relaciona cu un proyecto di investigacion cu su persona ta realisando tocante e Confiansa den Gobierno di Aruba y Asociacionnan Publico Considerando Covid-19. 

Otanez a provee algun informacion relaciona cu esaki, mas cu claro a clarifica e meta di e encuesta tambe. Segun el a splica, “turismo ta e pilar economico primordial di Aruba, locual ta preocupante ya cu e industria di turismo ta esun mas afecta door di COVID-19…como resultado Aruba ta sufriendo un teribel crisis economico.”

Pa esaki e kier replica algun estudio realisa den exterior, cu a demostra cu “e implementacion di restriccionnan cu ta reduci e contagio di COVID-19 y stabilisa e economia ta depende den e cantidad di sosten publico y nan confiansa den autoridadnan gubernamental.”

Pues, meta di e encuesta ta pa investiga e nivel di confiansa di e comunidad Arubiano den e accionnan realisa pa gobierno durante e medidanan di COVID-19 y recuperacion economico y tambe identifica e factornan cu ta afecta e nivel di confiansa di e comunidad di Aruba den gobierno durante e periodo di e pandemia. Por ultimo, e encuesta lo investiga con e nivel di confiansa ta afecta e accionnan tuma p’e pueblo Arubiano pa reduci e contagio y consecuencia economico di COVID-19.

Participacion den e encuesta lo dura mas o menos 15 minuut. Otanez a subraya cu si participa den e encuesta, lo ta den forma anonimo y tur contesta lo ta trata confidencialmente y lo ta uza solamente p’e analisis di e estudio describi.





Source link

More in Aruba

To Top