Connect with us

En conexion cu nos dia nacional Minister Xiomara Maduro a bishita Colegio Felipe B. Tromp y St. Annaschool

Bishita HB FBT SAC 05

Caribe

En conexion cu nos dia nacional Minister Xiomara Maduro a bishita Colegio Felipe B. Tromp y St. Annaschool


En conexion cu e celebracion di nos dia nacional, nos Himno y Bandera, Minister Xiomara Maduro a bishita Colegio Felipe B. Tromp y St. Annaschool. E biaha aki, den compania di Minister Dangui Oduber cu a compañ’e den e bishitanan den e bario di Noord.

Na Colegio Felipe B. Tromp, e mandatarionan a bishita klas 4 pa asina combersa cu nan tocante kico ta locual ta hacinan orguyoso di nos Pais. Aki nan a duna varios ehempel, di lama cu santo blanco te na e warawara, e muchanan tabata tin hopi pa menciona.

Despues a sigui pa St. Annaschool caminda cu e mandatarionan a wordo ricibi pa e scol completo. Muchanan tabata entusiasma pa e bishita di ambos minister. Na e scol aki, nan a bishita klas 4-A y 5-A pa asina combersa cu nan tocante nos dia nacional y tambe haya sa for di nan kico ta hacinan orguyoso di Aruba.

Minister Maduro ta duna un danki special na cabesantenan y docentenan di ambos scol pa e bunita recepcion. Cu nan por sigui ta orguyoso di nos Pais.



Source link

More in Caribe

To Top