Connect with us

Empleadonan di Elmar a vota na fabor di acuerdo laboral

Aruba

Empleadonan di Elmar a vota na fabor di acuerdo laboral


Diabierna mainta tabatin un reunion entre sindicato STA y e trahadonan di Elmar, caminda cu e trahadonan por a vota pa un Vaststellingsovereenkomst (VSO). Despues di hopi reunion cu sindicato STA a tene cu gerencia di NV Elmar, directiva di e compania estatal y minister, por fin a bin yega na un VSO caminda cu e partidonan y e sindicato a yega na otro na mesa.

Pa por firma e VSO aki STA mester bay bek cerca su miembronan y cu nan aprobacion por firma cualkier documento cu ta toca na nan.

Tin cu bisa cu mayoria di e miembronan a haci acto di presencia na e reunion cu a tuma luga na Piedra Plat Entertainment Center caminda cu un votacion a tuma luga.

Di e 86 miembronan cu a presenta, 62 di nan a duna sosten na e VSO aki. Bintiun a vota contra y tres voto no tabatin validez. Esey ta implica cu aworaki STA a haya e sosten di mayoria di su miembronan pa nan bay firma e VSO aki y esaki ta nifica tambe cu e negociacionnan pa e contracto colectivo nobo di NV Elmar lo continua na maart 2022, loke ta di suma importancia pa e empleadonan di NV Elmar.

Ta conoci cu tempo dificil cu henter e pais a pasa aden y e trahadonan di NV Elmar tambe a sufri pa e entrega di 12.6% cu tabata un exigencia practicamente di Hulanda pa haya e sosten di likides. Aworaki Elmar como un bon dunado di trabao a compronde e mensahe cu STA a trece dilanti den nomber di e trahadonan.

Locual cu gerencia di NV Elmar a haci ta algo toch di aprecia pasobra e ta duna toch e trahadonan un tiki rosea. No obstante esaki ta bisa cu e sindicato pa 2022 lo tin cu bay negosha bastante serio pasobra no ta bay ta un negociacion facil y esey ta bisto.

Aworaki pa loke cu ta fin di aña, tur e empleadonan di NV Elmar por ta trankil pasobra nan ta bay cobra nan bonus di fin di aña. Esey sigur ta un logro basta grandi di parti di sindicato STA.

Practicamente e empleadonan no tabatin e bonus aki mas ya cu e 12.6% a condena e bonus aki. E VSO aki tin su cosnan cu ta haci un tiki dolor. Por ehempel nan aumento salarial lo keda gevries durante aña 2022 pa un aña so. Pero despues di esey lo ta algo pa discuti atrobe durante negociacion di contracto colectivo.

STA ta contento cu e resultado aki, pasobra aworaki tur e empleadonan di NV Elmar lo por pasa un Pasco y aña nobo den un miho ambiente.

A caba e reunion aki mas trempan, door cu a parti e VSO pa tur hende pa nan por a les’e y ora cu nan a pasa door di dje y a splic’e, e votacion a bay rapido. E ora tur hende a bay over na votacion di biaha, cual a bay hopi lihe.

Ta bon tambe cu el a caba trempan pasobra STA tin un reunion cu gerencia di NV Elmar mas laat di diabierna mainta, caminda cu lo bay firma e VSO.





Source link

Click to comment

Leave a Reply

Your email address will not be published. Required fields are marked *

More in Aruba

To Top