Connect with us

Embeyecimento di Eagle Beach ta continua

Caribe

Embeyecimento di Eagle Beach ta continua


Pic EagleBeachBeautification.3

Diamars mainta Minister di Turismo y Salud Publico, Dangui Oduber a bishita Eagle Beach pa wak e progreso di e proyecto pa embeyece e strip di Eagle Beach. 

Un bunita bista danki na plantamento di matanan local pa asina trece mas sombra y ambiente tropical pa nos local- y turistanan. E proyecto aki ta core for di e retonde di Amsterdam Manor te cu e retonde di Alhambra. 

Pic EagleBeachBeautification.3

Minister Dangui Oduber ta contento con e avance di e proyecto aki ta canando. Un proyecto cu ta un colaboracion entre Tourism Product Enhancement Fund (TPEF), Aruba Tourism Authority (ATA) y DOW cual ta supervisando e trabounan. 

E proyecto aki di “beautification” ta den su fasenan final unda ta embeyece henter e strip di Eagle Beach den cuadro di e mehoracion di nos producto Aruba. 

Pa duna un experiencia mas agradabel ora di warda pa coy un bus, awo lo tin sombra pa nos bishitantenan y nos localnan door di mata di Aruba, na luga di concret.

Finalmente Minister Dangui Oduber ta sumamente contento cu e colaboracion di tur “partners” cu ta haciendo e proyecto aki bira un realidad y cu e vision di Ministerio di Turismo ta pa proyecto aki trece un uniformidad y ambiente agradabel y structura pa tur cu ta cana, core of haci deporte den e area aki.





Source link

More in Caribe

A2Z ADMINISTRATION

AD

To Top