Connect with us

Emansipashon enemigu mayó di opresor

Korsou

Emansipashon enemigu mayó di opresor


E Siklo “Emansipashon” di Akademia Popular Errol Scoop e ala di edukashon emansipatorio di Movementu Kousa Promé a kontinuá ku lès di dosente mr. dr. René Rosalia djaluna 2 i djaluna 9 di mei.  Dr. Rosalia a kuminsá buska kontesta pa e pregunta ”Kiko a pasa e yu di Kòrsou ku awe den 2022 ainda e no a emansipá”. Den su presentashon dosente dr R. Rosalia a trata “Blokeo legal, kultural i religioso kontra emansipashon. Rosalia a splika balor di historia i a splika e konsepto emansipashon. El a mustra tambe ku emansipashon ta enemigu mayó di e kolonisadó. E parti hopi impreshonante tabata e diferente ehèmpelenan ku el uza pa ilustrá kon a blokia desaroyo di emansipashon uzando lei, kultura i religion. Por ehèmpel a traha lei pa prohibí masha hopi kustumber i ekspreshon kultural kaminda sa tin aglomerashon di hende. E forma denigrante ku tabata ekspresá tokante e kustumbernan aki i e formá ku a kriminalisá nan tabata inkreibel. Tur presente por a komprondé e profundidat di e aktonan aki i e enorme daño ku nan a hasi na identidat di pueblo di Kòrsou. 

Djaluna awor 16 di mei ta sigui lès di e sosiólogo drs. Ellen Maduro Jeandor, historiadó drs. Jeanne Henriquez Msc, e polítiko mas popular di Sint Eustatius sr. Clyde van Putten, e aktivista lider di “Nos ke Boneiru bèk” sr. James Finies i presidente di Staten di Sint Maarten sra. Grisha Heyliger Marten. Fuera di e lèsnan na Sentro di Bario Santa Maria por inskribí pa sigui e lèsnan virtual via Morgan Online.  

IMG 20220511 WA0025IMG 20220511 WA0022



Source link

More in Korsou

To Top