Connect with us

EMAN KIER MIRA UN CANDIDATO DI ARUBA PA PROXIMO ELECCION PA PARLAMENTO EUROPEO

Aruba

EMAN KIER MIRA UN CANDIDATO DI ARUBA PA PROXIMO ELECCION PA PARLAMENTO EUROPEO


 

Diahuebs 6 di juni ta eleccion pa Parlamento Eurpeo y e ultimo dia cu nos na Aruba por vota pa Parlamento Europeo. E lider di AVP mr. Mike Eman ta haye importante cu tur ciudadano Arubano cu paspoort di Union Europeo tin e derecho di voto. Ta lamentabel cu ainda mester inscribi promer, pesey hopi no ta yega di eherce e derecho aki.

Eman despues di a vota hunto cu su esposa Doina y tambe den compania cu Wendrick y Wendert Cicilta a enfatiza cu decisionnan tuma den Parlamento Europeo ta impacta nos bida diario aki na Aruba, demostrando cu nos mester tuma parti den e proceso democratico. AVP a traha duru pa e derecho di voto pa ciudadanonan Hulandes den Caribe. Hunto cu dr. mr. A.G. (Mito) Croes, q.e.p.d. a logra un jurisprudencia grandi bao di e nomber Eman/Sevinger. Esaki a crea un precendente huridico cu ta ilustra cu tur ciudadano cu un paspoort di Union Europeo tin e mesun derecho.

Bao e liderazgo di mr. Mike Eman, AVP a guia esfuersonan di cooperacion cu Union Europeo cu a permiti por ehempel e financiamnento di e facultad nobo di Universidad di Aruba, conoci como SISSTEM. E proyecto aki ta enfoca riba sostenibilidad y inovacion, un area cu ta di gran importancia pa nos comunidad. E dossier di e facultad, conoci como Green Faculty, ta enfatiza e importancia di desaroyo sostenibel y inovativo.

Relacion cu Union Europeo ta habri porta pa Aruba por crece y desaroya den diferente area. E rapportnan di Union Europeo riba e regionnan ultraperiférico ta mustra claramente e beneficionan cu islanan como Aruba por tin den nan relacion cu e Union y e beneficio pa Union Europeo tin un realcion cu e islanan aki.

E participacion di Aruba den e eleccion di Parlamento Europeo ta crucial pa fortifica e relacion y pa sigui traha pa un futuro mihó pa Aruba . Mr. Mike Eman ta enfatisa su deseo pa mira un candidato di Aruba mes den e proximo eleccion pa Parlamento Europeo, “algo cu nos tur mester traha duro pa logra”.

Cu un representante nos Pueblo ta haya un voz directo den un Parlamento cu ta fiha cua paisnan y regionnan afilia cu Union Europeo ta bin na remarca pa fondonan pa projectonan di economia, infrastructura, ensenjansa, energia alternativa; technologia di internet; beca pa estudio etc. Eman ta bisa cu desde  2009 AVP a stimula ciudadanonan di Aruba pa registra pa vota. E biaha aki no tabata tin un campanja special, pero e ta corda tur esnan cu a registra na 2019 cu a pesar por ta cu nan no a haya un notificacion cu probablemente nan ta registra si pa vota. Pesey e ta conseha esnan cu a registra na 2019 pasa na VNO pa mira si nan ta registra y ora por haci uso di nan voto. Corda bai cu paspoort y copia di paspoort.

 



Source link

More in Aruba

A2Z ADMINISTRATION

AD

To Top