Connect with us

Ekspedishon mester trese mas informashon tokante bayena i dòlfein banda di islanan ABC

ccs foto wwf

Aruba

Ekspedishon mester trese mas informashon tokante bayena i dòlfein banda di islanan ABC


Notisia

Ekspedishon mester trese mas informashon tokante bayena i dòlfein banda di islanan ABC

WILLEMSTAD – Caribbean Cetacean Society (CCS) ta organisá pa e promé biaha e ekspedishon sientífiko di bayena i dòlfein, asina yamá Ti Whale An Nou, na Aruba, Boneiru i Kòrsou. E programa di investigashon akí ta partí den 6 mini ekspedishon i ta tuma lugá di 10 di òktober pa 29 di òktober. CCS ta enkurashá habitantenan di e ABC-islanan pa partisipá i siña for di e oportunidat úniko akí.

“E ekspedishon no ta un ekskurshon turístiko pa mira bayena i dòlfein, pero un kampaña di investigashon. E resultadonan di e ekspedishon lo kontribuí na identifiká kiko mester pa protehá e animalnan menasá akí mas mihó kontra menasanan ku nan ta enfrentá dor di aktvidatnan di hende”, Jeffrey Bernus ta splika, ko-fundadó di CCS. Banda di bayena i dòlfein, CCS ta bai observá paranan di laman (zeevogels) tambe. Aktualmente tin tiki informashon aksesibel di e paranan akí den Karibe. CCS tin intenshon pa kompartí tur observashon ku gobièrnunan i organisashonnan di naturalesa den Karibe.�

Pa kada mini ekspedishon e barku lo keda riba laman pa tres dia pa por monitòr bayena i dòlfein. Partisipantenan di e ekspedishon lo yuda e tim di CCS ku observashon di bayena, dòlfein i paranan di laman i saka portrèt di e animalnan. Nan ta duna sosten pa registrá informashon manera kondishon di tempu i presensia di barkunan. Eksperiensia ku e tareanan akí no ta nesesario, tur hende por registrá. Solamente ta rekerí un kompenshon pa kuminda. Registrashon ta posibel te ku 21 di sèptèmber via e página www.ccs-ngo.com/ti-whale-an-nou.�

Kada investigashon ta kontribuí na desaroyá kapasidat pa mehorá e abilidatnan di personanan lokal pa por studia bayena i dòlfèin. E ekspedishon akí ta dediká na Paul Hoetjes. Paul Hoetjes tabatin diferente funshon den kuadro di maneho i konservashon di naturalesa den Karibe Hulandes. E tabata ko-fundadó di e Yarari Marine Mammal and Shark Sanctuary i un di e hendenan ku tabata e inspirashon tras di Caribbean Cetacean Society.�

Programa di 3 aña

Wereld Natuur Fonds ta finansiá Ti Whale An Nou i esaki ta parti di un programa di tres aña. E delaster tres aña a monitòr e islanan entre Grenada i Anguilla, inkluyendo e islananan Franses, Ingles i Hulandes. For di e aña akí ta inkluí e ABC-islanan tambe den e programa regional akí. 


38



Source link

More in Aruba

A2Z ADMINISTRATION

Advertisement
Advertisement
Advertisement

AD

Trending

Advertisement
To Top