Connect with us

Edwina Henriquez: Evelyn Wever-Croes ta viola e derecho na igualdad

Aruba

Edwina Henriquez: Evelyn Wever-Croes ta viola e derecho na igualdad


Como Abogada pa Derechonan Humano specialisa den e tema di combatimento di corrupcion mi mester refuta e ponencia di Minister-President, Evelyn Wever-Croes cu bo no por papia di NEPOTISMO ora cu Gobierno di Evelyn Wever-Croes I y II ta emplea famia y amigonan, pasobra e familiarnan aki ta tuma den servicio basa ariba nan experticio.

E ponencia aki por ta infantil y mentiroso pa hopi Arubiano, pero como profesional ariba e tereno di democracia aki na Aruba, mi ta haya e hecho cu Minister-President, Evelyn Wever-Croes kier glorifica NEPOTISMO na Aruba sumamente peligroso. Minister-President, Evelyn Wever-Croes no solamente ta hunga cu e inteligencia di e Pueblo di Aruba, pero pa mi e ta hasta sumanente maligno ya cu e ta viola e derecho na igualdad di articulo 1 di nos Constitucion, cual ta subraya cu na Aruba tur hende ta igual: esaki ta conta tambe pa haya un trabao den Gobierno. Minister- President, Evelyn Wever-Croes kier elogia NEPOTISMO como un forma normal di Gobernacion, mientras

NEPOTISMO ta mina nos democracia na Aruba. Ta parse cu Minister-President, Evelyn Wever-Croes durante su dos Gobernacion kier eleva NEPOTISMO como algo pa elogia, mientras NEPOTISMO ta mina e democracia di un pais y ta solamente Gobernantenan den paisnan no desaroya ta hasi nan mes culpable na NEPOTISMO. Ta bin aserca cu ta solamente Gobernantenan cu no ta stima democracia y kier goberna un pais na forma dictatorial ta haya normal cu ta solamente nan famia y amigonan ta gosa di e bienes di e pais, mientras tur Gobierno di turno ta solamente “beheer” e bienes di e pais, no na su antoho, pero basa ariba reglanan di nos Constitucion, cual ta indica na cada ciudadano di e pais en cuestion cu su derechonan humano ta wordo proteha y basa ariba reglanan democratico.

Minister-President, Evelyn Wever-Croes den su afan pa glorifica NEPOTISMO ta hunga un wega politico peligroso dor di bisa cu ta trata de NEPOTISMO solamente ora cu oposicion ta na poder; ora ta trata di su Gobierno no por papia di NEPOTISMO. Na momento cu Minister-President, Evelyn Wever-Croes ta na mando e mag emplea famia y amigonan den Gobierno cuanto cu e kier, pero e ora no por papia di NEPOTISMO ya cu e personanan aki a wordo tuma den servicio no pasobra nan ta famia y amigo, pero pa nan experticio. Cu e ponencia aki Minister-President, Evelyn Wever-Croes ta bay ariba un caminda anti-democratico, pasobra ta solamente gobernantenan dictatorial ta glorifica NEPOTISMO y ta lubida cu na Aruba tin hopi Arubiano bon studia cu a hasi sacrificionan grandi pa por obtene nan titulo di nan respectivo estudio, mientras e personanan aki no ta haya e oportunidad di drenta den servicio di Gobierno, solamente pa e hecho cu nan no ta pertenece na e grupo di friends & family.

Den un pais democratico cada persona mester ta igual; den un pais democratico cada ciudadano tin e mesun derecho di por beneficia di e bienes di e pais; esaki tambe ta encera haya un trabao den Gobierno y no mester por haya su mes confronta cu un concurencia imposibel debi cu e persona aki no ta pertenece na e tan afamado friends & family. Ta bin aserca cu e imagen cu Minister President, Evelyn Wever-Croes kier refleha ta di ta un persona integro. Locual den mi concepto Minister President, Evelyn Wever-Croes kier bisa e Pueblo di Aruba ta: “Scucha mi palabrannan pero no mira mi actonan corruptivo.”

Durante e ultimo 60 anjanan mi a sigui politica na Aruba di serca y hamas den mi bida mi a experiencia un Gobierno cu ta hasi su mes culpable na NEPOTISMO manera den e ultimo 5 anjanan bao di Gabinete Evelyn Wever-Cries I y II. Ta bin aserca cu ora cu un Minister-President di un pais kier defende su NEPOTISMO, e pais en cuestion su democracia ta den regresion; esaki ta significa cu Aruba bao di mando di Gabinete Evelyn Wever-Croes I y II a hasi di NEPOTISMO cual ta CORRUPCION POLITICO su maneho y esaki ta mina nos democracia na Aruba. Mr. Edwina Henriquez, Abogada Internacional pa Derechonan Humano y democratizacion





Source link

Click to comment

Leave a Reply

Your email address will not be published. Required fields are marked *

More in Aruba

To Top