Connect with us

Edgard Vrolijk na Marisol Lopez-Tromp: E spirito ta den bo mesun cura

Aruba

Edgard Vrolijk na Marisol Lopez-Tromp: E spirito ta den bo mesun cura


Durante reunion di parlamento, parlamentario Edgard Vrolijk a reacciona riba lider di fraccion di MAS, Marisol Lopez-Tromp. E parlamentario di MEP a reacciona riba e parti cu no a haci pregunta, tambe riba e hecho cu loke Lopez-Tromp semper ta haci ta comedia y hende ta kere den dje.

El a expresa cu e parlamentarionan nobo tin di bay bek den pasado y mira cu tin hende a goberna na 2001 pa 2009. E ta puntra cuanto persona nan a hinca tur caminda y ainda ta biba e mal maneho ey. WODC a trece e rapport p’e mal manehonan ey, pero nan a scapa cu el a bay otro banda. Na 2013 el a bay otro banda cu tabatin corupcion, a papia riba VDA cual e tempo ey no tabata existi. Vrolijk a indica cu e persona aki tambe a sinta cu nan hunto cu Rincon y Carvajal, otro a bay mira paharito y bay cera.

E tabata parti di nan, ta trata di 2013 pa 2017 y tin hende ta laba man. E tempo ey no tabata tin VDA ni nada. E parlamentario kier sa ki dia den presupuesto por mira di a papia di belangenverstrengeling (conflicto di interes). Segun Vrolijk, e ta premia nan pa profesionalismo.

A indica cu un famia hopi pega ta cobra dos miyon florin den DOW, mientras eyfo otro ta muri di hamber. Eynan tin belangenverstrengeling y si mira desde 2009 te awo, e storia a sigui. El a indica cu mester ta honesto, “pasobra ora di punta dede riba otro, tin monton di dede ta punta riba nos”.

El a enfatisa cu por gaña esunnan hoben cu no conoce politica, pero nan cu conoce politica sa di gañamento y comedia. A tende di spirito y a indica cu den parlamento tambe tin, pasobra nan ta cana tur dia y no ta presenta na trabou. Vrolijk a reacciona e motibo cu tin caso Aloe, cual tin hende a haya tereno y a pasa dilanti tur hende. Di punta dede riba tur hende, e spirito ta den cura propio.

Pa cobertura mas amplio, lesa e edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top