Connect with us

Dylan Molina ta e siguiente presidente di e fundacion pa siguridad

Aruba

Dylan Molina ta e siguiente presidente di e fundacion pa siguridad


Recientemente a tuma luga un reunion di introduccion entre e presidente saliente di Aruba Hospitality & Security Foundation (AHSF), Tisa LaSorte, e altocomisario interino di Cuerpo Policial Aruba, Irma Gordon y e presidente entrante di AHSF, Dylan Molina. E fundacion ta planea pa activa bek otro aña y asina colabora mas cu polis y companianan priva di siguridad pa garantisa y promove un area turistico mas sigur.

Jan van Nes y defunto Roland Peterson a funda Aruba Hospitality & Security Foundation na aña 2001 den nomber di AHATA, den colaboracion estrecho cu Cuerpo Policial di Aruba. E meta di e fundacion ta pa sostene esfuersonan cu ta mantene siguridad den zona turistico. E proyectonan di AH&SF ta financia pa Aruba Tourism Authority cu e fondonan genera di impuesto di acomodacion cu turista ta paga.

Mester menciona cu na principio e fondonan tabata bin di AHATA mes hunto cu demas patrocinadonan priva, manera Caribbean Mercantile Bank y BSL Laundry, entre otro. Cu cambio di maneho den Ministerio di Turismo, a inclui e subsidio aki den roomtax di hotelnan. Cu esey AHATA no mester a aporta mas y hotelnan Timeshare ta manda nan fondonan na TPF Fund en bes di AHSF. Consecuentemente, awendia e fondo ta conta cu menos subsidio compara cu antes.

Riba e foto por aprecia di robes pa drechi: Dylan Molina, e presidente entrante di Aruba Hospitality & Security Foundation (AHSF), altocomisario interino Irma Gordon y e presidente saliente di Aruba Hospitality & Security Foundation (AHSF), Tisa LaSorte.

Meta di e fundacion ta pa aporta cu ekiponan special pa polis por eherce nan trabou den areanan turistico, cu auto, vehiculonan special pa core riba santo blanco, boto, etc. Pa e ultimo binti añanan, a haci donacionnan substancial na hopi ekipo, na organisa tayernan special di siguridad y varios otro eventonan mas.

Ainda Dylan Molina no a tuma e fundacion over ainda, pero lo sosode prome cu fin di aña ainda. Awor e presidente saliente ta den pleno proceso di traspasa e directiva pa esun nobo.





Source link

Click to comment

Leave a Reply

Your email address will not be published. Required fields are marked *

More in Aruba

To Top