Connect with us

Durante persecucion a tira scooter un banda y core pa polis

Aruba

Durante persecucion a tira scooter un banda y core pa polis


Fo’i diabierna anochi doño di un scooter a informa polis cu desconoci a horta su scooter for di su cura di cas. A entrega keho na recherche tambe. Diasabra, den careda di 1:00 am, polis tabata controlando den e bario di Madiki pa algun hoben cu tabata tira piedra den Caya Boes Orman (ex-Arendstraat). Durante nan buskeda, a topa cu un scooter sin number coriendo rond. Ora a dun’e señal pa para, e no a haci caso y a cuminsa core pa polis. Rib’e camind’i santo cerca di Madiki 52-A, el a mira cu e no por a haci mucho mas riba scooter. El a opta n’e momento ey pa bula for di e scooter y core bay na pia. E scooter a bay dal contra di un Hyundai colo geel para band’i caminda. 

Ora polis a check bon, a ripara cu e scooter tabata horta. A medio cambia su colo door di spuit, pero a nota claramente cu esey t’e scooter cu a horta e dia anterior, den e area di Madiki mes. Camara di siguridad a capta tur cos ora cu a horta e scooter. Awo, e proceso di investigacion ta continua p’asina saca afo ken t’e persona cu a horta e scooter. 

Procedente di ladronicia: Laga scooter atras y core pa polis

Posted by 24ora on Saturday, April 16, 2022

E hecho ta cu pronto e doño lo ricibi su scooter bek, claro den un otro colo awo y cu algun cos pa drecha. E doño di scooter mes a presenta n’e sitio y a confirma cu esey ta su scooter. Den e sienta tabatin su paspoort, ID y bril di bista, cu e doño a perde. 





Source link

More in Aruba

To Top