/cdn.vox-cdn.com/uploads/chorus_asset/file/24341282/STK142_5G.jpg?resize=400%2C240&ssl=1 "RedCap, the 5G for wearables and IoT, will get its first devices soon")
/cdn.vox-cdn.com/uploads/chorus_asset/file/24341282/STK142_5G.jpg?resize=100%2C100&ssl=1 "RedCap, the 5G for wearables and IoT, will get its first devices soon")
Caribe
Duna un man na bo ruman: Famia a perde nan cas ora dak a cay den otro
Diabierna a cuminsa normal pa famia Giel di Turibana 27. Manera semper a lanta mainta, prepara pa trabao y pa despues bin cas y pasa e rato cu e yiunan.
Sinembargo, despues di 6:00 pm tur cos a bolter 180 grado. Tin hende a papia cu tabatin candela, pero e resultado tabata oro. Entre 6:00 y 7:00 pm algo a sosode n’e vivienda situa na Turibana 27, caminda cu un mama ta yega fo’i trabao, hunto cu su 3 yiunan pa por pasa un rato hunto na cas.
Para dilanti cas, tur cos a bin abao. E dak completo a bin abao. Awe e famia ta pidiendo ayudo na comunidad. Ta haci un apelacion na comercio of instancia pa duna un man pa nan por yega na nan hogar.
Merian Giel a conta nos kico a sosode ora el a yega fo’i trabao. Ta algo cu e no por a expresa. E cas ta un herencia di su welo tempo el a fayece y pa casualidad e mester a yega cas un tiki mas laat di loke tabata premira. E ta un hende cu ora e yega cas e ta subi cama y relax cu su yiunan.
Ora cu Merian a yega, el a tende un zonido manera un truck y diripiente el a mira tur cos bin abao. Esaki sigur tabata un trauma p’e y pa su yiunan.
Den un cera di wowo el a perde tur cos. Djis mira e manera con e dak a bin abao, si nan a yega mas trempan, cos por tabata diferente p’e famia di 4 aki.
E famia a perde practicamente tur cos. Hasta e paña di tanto mama y e yiunnan no por bisti mas riba recomendacion di dr. Salazar di DVG mirando cu stof di asbest a cay ribanan.
Ta pa e motibo aki mes, ta haci un apelacion na comunidad pa saca un man pa yuda bo ruman.
Tin di remarca cu su doño di trabao, na Riu Hotel, cu a sa di brind’e un luga di keda temporal, te ora e bin bek riba pia. Merian ta gradici gerencia completo y tambe su coleganan di trabao cu a saca un man pa yuda e, su yiunan y tambe na su mama, kende tambe a resulta afecta door di e tragedia aki, ya cu e ta biba den un apartamento patras, conecta via coriente n’e cas.
Por tuma contacto na telefon 5660673 of tambe na 7401270, p’asina haya sa cu kico por yuda of tambe por haci un donacion pa e mama Merian Giel y su 3 yiunan na number di cuenta 3054950190 di Aruba Bank.an yamada ta bay na gobierno y tambe comercio, e fundacionnan, pa yuda e mama aki recupera su vivienda, pasobra awo practicamente e no tin dak riba su cabes.
Cualkier cos chikito cu por yuda cu ne, sigur e famia aki lo aprecia di curason.
