Connect with us

Duna Dios tur e gloria

Aruba

Duna Dios tur e gloria


Duna Dios tur e gloria pa bo cas y henter bo famia. Esey ta nifica cu bo ta reconoce cu sin yudansa di Dios lo bo no avansa ni tampoco logra bo meta, pasobra ta Dios ta duna bida y sabiduria puro y berdadero pa asina nos por tin e victoria.

Den Santiago capitulo 1 vers 5+6+7+8 ta skirbi:

Ma si cualkier di boso tin mester di sabiduria, lag’e pidi Dios, kende ta duna na tur hende generosamente y sin reproche y esaki lo wordo duna na dje. Ma lage pidi den fe sin ningun duda, pasobra esun cu ta duda ta manera ola di lama cu ta wordo lastra y tira door di biento . 

Pasobra no laga e hende ey spera cu e lo ricibi algo di Señor .

Siendo un hende di curason dobel, inconstante den tur su camindanan.

Esaki ta algo esencial pa tur mayor pasa over pa nan yiu, bisando cu Dios ta duna sabiduria na tur hende cu pidi y E ta duna sabiduria gratis,y Dios su sabiduria ta riba tur cos. 

Bo no ta hay’e bou di palo, ni tampoco den un sigaria di marihuana, ni tampoco den un boter di alcohol, pero bo ta hay’e ora bo busca Señor cu un curason arepenti, mustrando asina cu ta Dios mes bo mester.

Ta nos deber como mayor pa dirigi nos yuinan den e caminda di Dios pa asina evita mas tanto posibel cu nan por trompica, sabiendo cu sabiduria ta e rikesa berdadero pasobra asina nos ta duna tur gloria na Dios.

Hebreonan capitulo 12 vers 2 bisa: Cu nos wowo fiha riba Hesus, e autor y cumplido di fe, kende, pa motibo di e goso poni Su dilanti, a soporta e sufrimento di e cruz sin haci caso di berguensa y a sinta na man drechi di e trono di Dios.

Dios su sabiduria ta kita tur berguensa for di nos, di tur locual por a pasa den nos pasado, e ta haci nos un criatura nobo den djE (2 Coritionan 5:17) caminda tur cos bieu a pasa y a wordo haci nobo.

Hebreonan 7 vers 25 ta para skirbi: P’esey tambe E por salba pa semper esunnan cu ta hala cerca Dios, pa medio di djE como cu semper E ta biba pa intercede pa nan.

E Gloria ta di Dios, pasobra Dios merece tur e gloria. Nada no ta di nos mes, tur cos ta di Señor.

E sabiduria di Dios ta esun cu nos mester pa guia nos yuinan den e caminda di berdad y bida, pasobra mundo ta yena cu maldad den tur skina y nos ta mira cu locual antes tabata wordo haci scondi, aworaki ta wordo aproba pa hacie den tur claridad.

Ta un berguensa cu temor di Dios cu a bay perdi ta e causa di tanto cos abominabel y ridiculo cu hende ta haci, sin tene cuenta cu Dios y lubida cu nan curpa ta tempel di Dios..

Pero e sabiduria cu Dios ta duna ta pa nos warda nos pianan leu for di caminda tin maldad y no participa ni  tampoco apoya, pasobra asina nos ta duna e gloria na Dios.. 

Pasobra nos ta mira con e mundo ta bayendo den un direccion robes y rebelde cu ta separa nan mes for di nos Creador y dunando gloria na materialism y sin ningun berguensa ta apoya maldad.

Laga nos duna gloria na Dios.

Sinceramente, 

Pastoor Marcel Balootje





Source link

More in Aruba

AD

Advertisement

Trending

Advertisement
To Top