Connect with us

DPL tambe den accion: Sector priva tambe mester para pa nan derechonan

Aruba

DPL tambe den accion: Sector priva tambe mester para pa nan derechonan


Manera ya ta conoci, dia 8 di december ta marca como dia nacional di accion bou di e sindicatonan como tambe nan miembronan. Den e ultimo dianan por a tuma nota di varios manifestacion y protesta caminda cu grupo di trahado ta pone trabou abou pa asina mustra gobierno cu ta basta cu e recorte di 12.6%. Asina tambe e miembronan di DPL a bin ta cuestiona con por ta posibel cu a para FASE y loonsubsidie, pero ta sigui corta den salario dje trahadonan publico. 

Edmar Gietel, kende a papia na nomber di DPL, a splica cu nan no ta compronde comportacion di gobierno. Ta di opinion cu ya cu no tin FASE ni loonsubsidie mas a yega ora pa debolbe nan e 12.6%. Tambe a haya tende cu gobierno kier sinta na mesa pa dialoga pero a reitera cu mester debolbe nan nan salario completo prome y despues por sinta cu e sindicatonan, cu gremio y cu e otro partidonan politico pa asina hunto yega na un idea na con por salba Aruba. Ta p’esey nan a sali pafo awe, pa solidaridad y pa para pa nan derechonan, nan no por keda para p’e gastonan cu gobierno mes ta haci.

DPL tambe den accion: No mas na 12.6%

Posted by 24ora on Wednesday, December 8, 2021

A splica cu ya ta pa 21 luna caba cu e situacion aki ta andando, pero na varios ocasion a sinta cu gobierno, pero no kier tuma ningun conseho y ta bula bay Hulanda y tuma decision riba nan mes. Por ultimo a bisa cu e sector priva tambe mester sali pafo y para pa nan derechonan y cu nan ta mas cu dispuesto pa para den solidaridad cu nan.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top