Connect with us

DOW ta aclaria maneho di construccion y di basha edificio abou

Aruba

DOW ta aclaria maneho di construccion y di basha edificio abou


Awe mainta den un conferencia di prensa, DOW a sali afo pa aclaria algun informacion cu ta circulando riba red social, cu segun director di DOW, ing. Marlon Croes, no ta cuadra cu locual DOW ta haci ora di ehecuta ‘handhaving’ y ‘bestuursdwang’. Hunto cu Croes tabat’ey presente, Rubin Ponson, kende a ehecuta e ‘bestuursdwang’ y a duna un miho splicacion riba esaki. Segun Ponson a splica tocante e situacion di kitamento di un dak of un construccion den e bario di Cunucu Abou, no ta normal cu ta Sali afo y splica di esakinan ya cu esaki ta nan trabou di tur dia, pero den e caso aki si mester a clarifica. A subraya cu cualkier persona of compania cu haya un carta di DOW, tin pleno derecho pa bay den bezwaar cu esaki.

Den e caso aki, Ponson a splica cu na final di aña 2021, e compania en cuestion tabata bezig cu un construccion y DOW a para esaki, caminda a pidi pa yega na un permiso di construccion. A duna e compania un tempo pa wak si enberdad lo cana e caminda pa pidi e permiso y esaki no a sosode, segun Ponson. Te dia di awe e compania no a pidi permiso pa construi. 17 di maart ultimo, DOW a constata cu a pesar cu ya a avisa nan, e compania a start un otro construccion y e ultimo aki tabata cu nan ta yama rooilijn, esta un zona cu tur tereno tin riba dje cu no por construi riba dje. A informa e persona en cuestion, cu e no por haci esaki y cu e mester kita e construccion.

Pa fin di maart, DOW a manda un otro carta pa e situacion aki splicando cu ta dun’e dos siman pa kita e construccion. Segun Ponson, e persona a ricibi e carta, pero no a tuma ningun accion. Mientrastanto, otro fin di luna a yega sin cu nada a pasa. A haci mas intento pa splica e leynan y pidi pa kita e construccion. Sinembargo, e persona a informa cu el a pasa e mensahe, pero e tampoco no a tende nada. No obstante, DOW a papia cu e doño mes pa splic’e y purba convenc’e pa e mes kita e construccion prome cu DOW haci esaki, pero a keda riba e punto cu no lo kita esaki. Asina dia 6 di juni DOW a acudi na sitio pa wak kico mester haci p’asina dia 7 di juni ehecuta esaki debidamente. 

Sinembargo, unabes e doño a wak tur e personal di DOW, el a tuma e iniciativa pa haci e trabou su mes. Tabatin discusion y disgusto, pero den menos cu un ora a logra kita henter e construccion. DOW a evalua si nan mes mester completa e trabou, pero no tabatin necesidad di esaki y a laga e doño mes hacie. 

Pa un relato mas amplio, lesa bo proximo edicion di TREMPAN.





Source link

More in Aruba

AD

Advertisement

Trending

Advertisement
To Top