DOW buscando fondo pa caba cu proyecto

E proyecto di embeyecemento na e di dos parti di caya principal na San Nicolas ta uno cu a keda na mita. Director di Departamento di Obranan Publico (DOW),  ing. Marlon Croes ta splica cu e motibo di esey ta cu ta un proyecto cu ta data for di tempo di ex-Minister di Infrastructura, Otmar Oduber y ultimo no a haya e fondonan necesario pa ehecuta e siguiente fasenan.

Como tal, trabouann den B. v/d Zeppenfeldtstraat ta para na altura di banco CMB bay ariba. E proyecto, den su totalidad, ta consisti di tres fase, cual solamente a completa e prome. Door di no a haya e fondonan aloca den e presupuesto nacional pa continua cu e di dos y di tres fase, DOW awo kier purba cana otro caminda pa yega na e capital di inversion necesario.

Croes a splica cu ta bay aplica na Departamento di Asuntonan Economico (DEZHI) riba e fondo di inversion y argumenta e proyecto asina bon, cu ta keda aproba hunto cu cooperacion di Directie Financien y asina logra caba e trabou pariba.