Connect with us

Donacion di ekipo audiovisual pa nos grandinan di Huize Maris Stella

Aruba

Donacion di ekipo audiovisual pa nos grandinan di Huize Maris Stella


Tur aña Wine and Dine Hospitality Group ta haci un donacion di material na Huize Maris Stella di un of otro articulo cu e grandinan cu ta biba eynan por haci uzo di dje. E aña aki esaki tabata den forma di un television nobo di 55 inch como tambe un speaker cu mic y un amplifier. Jacqueline Wever, trahado di Huize Maris Stella a expresa su gratitud pa esaki mirando cu nan no tabatin un television pa entretene e grandinan.

Wever a splica cu nan ta percura pa pone programa educativo pero cu tambe por entretene e grandinan manera programa di cultura. Tambe nan lo por bay haci actividad p’e grandinan por canta y baila cu e speaker y mic cu nan a ricibi y ta sigur cu e grandinan ta bay aprecia e gesto bunita aki di Aruba Wine and Dine.

A funda Huize Maris Stella dia 22 di maart 1972 cu e obhetivo pa proporciona vivienda, cuido y enfermeria pa crea condicion necesario pa duna un periodo di bida significante corespondiente n’e edad di nos grandinan. Ta parti e residentenan den dos categoria: somatico y psicogeriatrico. Asina tambe ta atende e residentenan cu un cuido di acuerdo cu un plan di atencion individual.





Source link

Click to comment

Leave a Reply

Your email address will not be published. Required fields are marked *

More in Aruba

To Top