Connect with us

Disco di Buchi Boekhoudt y su cah’i orgel ta un realidad

Aruba

Disco di Buchi Boekhoudt y su cah’i orgel ta un realidad


Despues di 56 aña dedica na cah’i orgel, Alfonso ‘Buchi’ Boekhoudt a haya un sorpresa cu e lo recorda pa rest’i su bida.
World Beat Records a sa di graba un produccion disponibel tanto riba vinyl, cassette y USB di su cah’i orgel. Diabierna anochi a lansa esaki de presencia di su famia y demas invitado na Aruba Experience Cafe, unda cu el a saca e esencia di un cultura cu sigur ta herencia p’e proximo generacion di musico.

Buchi a keda hopi contento y emociona y a comenta di ta sumamente contento y orguyoso cu e regalo cu Dios a dun’e.
World Beat Records t’e responsabelnan pa bin cu e proyecto aki. Ivan Barrera, director di e cas diskero a comenta cu el a haya inspiracion door di a mira cu tanto LP como cassette a haci un ‘come-back’ tanto na Merca como na Europa, fuente di inspiracion pa pone cah’i orgel y demas ritmo maner tambu, steelband y otronan riba vinyl y cassette pa na por yega na un otro haltura.
World Beat Records ta trahando riba un documentario rib’e memoria discografico di Aruba, unda cu ta investiga tur e maestronan manera La Nueva Fuerza y tur orkesta di e decada di 70.

Pa mas informacion por bay riba Instagram di World Beat Records tambe riba Facebook. Fuera di esey nan tin un website cu por subi cual ta www.worldbeatrecords.com. Por ultimo Barrera a comenta cu lo tin mas sorpresa na caminda. Pa un cobertura mas amplio lesa e siguiente edicion di TREMPAN.





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top