Connect with us

Director di HOH ta desmenti cu kier para contract di IMSAN cu bloedbank

Aruba

Director di HOH ta desmenti cu kier para contract di IMSAN cu bloedbank


Posted on 04/14/2022 3:02 pm AST | Updated on 04/14/2022 3:34 pm AST

ORANJESTAD – E noticia di parlamentario di partido MEP, Arthur Vallejo, esta cu director di hospital Horacio Oduber kier para e contract cu IMSAN tin cu banco di sanger (bloedbank), no ta berdad. Asina e director Jacco Vroegop a sigura noticiacla diahuebs. “No, esey no ta berdad” Vroegop a cuminsa na bisa. “HOH ta lamenta tur noticia negativo y innecesario di varios banda riba e personal y e servicio di hospital” e director ta sigui bisa.  

ENFOKE DI HOH

E director ta sigura cu HOH ta keda enfoca su mes riba brina bon y safe cuido di pashent. “Como organisacion unda cu e complexidad di cuido, cooperacion multidisciplinario pa casi 100 specialista medico pa duna e miho tipo di cuido y hospitalidad, ta central”. Como un hospital completo unda cu su personal a haci un esfuerso extremo durante e periodo di Covid. “Esaki ta hunga un papel grandi den e yegada di turista pa Aruba, contribuyendo cu e economia y empleo riba nos isla, danki specialmente door di cuido di calidad halto y lihe ora di accidente, infart y calamidad. HOH den esaki ta unico y esencial” e director a finalisa bisando. 





Source link

More in Aruba

AD

Advertisement

Trending

Advertisement
To Top