Connect with us

Director di Arutram cu menasa si trahadonan no bin uniforma

Aruba

Director di Arutram cu menasa si trahadonan no bin uniforma


E trahadonan di tanto Arubus como Arutram tin un disgusto enorme pa loke ta nan trabao den e companianan aki.

Segun e trahadonan nan tin un CAO cu no ta respeta y awo cu nan ta tumando accion pa nan derecho, nan ta haya menasa di NO work, NO pay, siendo cu nan no a haya uniform.

E trahadonan ta indica cu debe nan un total di 10 uniform, seis carson y dos set di sapato.

Den ningun momento nan a nenga di traha, pero si nan kier nan uniform, cual ta un derecho cu nan tin.

Gerencia aparentemente no kier negosha cu sindicato, ya cu semper nan tin un excuus. E trahadonan ta sigui indica cu nunca nan ta show up pa sinta negosha, pasobra supuestamente e CAO ta mucho bon segun e director actual, kende ta den Raad van Bestuur.

Esaki ta basa riba un carta cu e director di Arutram a manda p’e empleadonan di dicho compania, cu a haci un peticion na e compania estatal p nan haya un tipo di compensacion of kledingtoelage y a base di esey lo traha e luna di december.

Den e carta cu e director Mohamed a manda como contesta n’e trahadonan cu a haci e peticion caba n’e fabrica pa uniform nobo, sinembargo pa motibo fuera di nan control e fabrica a informa nan cu tin un retraso den entregamento di e uniformnan na Arutram. E fabrica a laga sa cu por spera e uniformnan na comienso di januari 2022.

carta arutram

Den pasado gerencia di Arutram a informa cu si acaso tin uniform cu no ta apto (mas) pa traha cu ne, por trece esaki pa gerencia y gerencia lo percura p’e uniform en cuestion ta drecha of reemplasa. Mientras tanto a permiti e trahadonan traha y despues pa presenta na pia di trabao cu nan propio paña (esta carson of jeans).

Sinembargo, mirando cu e cantidad di trabao a aumenta compara cu e temporada anterior, no por permiti e trahadonan keda paden, ni cada ken sali cu su propio paña (bisando esey camisa di diferente colo y estilo) a base di e protesta desde dia 2 di december ultimo como cu esaki no ta refleha e profesionalismo di Arutram.

arutram mohamed

Ta p’e motibo aki mes, entrante dialuna 13 di december, e trahadonan mester presenta na pia di trabao cu e uniform cu nan tin disponibel caba. Y si no cumpli cu e instruccion aki, gerencia ta considera esaki como ‘dienstweigering’ y contrario n’e situacion cu a tolera te asina leu, gerencia di Arutram lo bay over na aplica ‘no work no pay’.

Finalmente gerencia di Arutram a laga sa den e carta cu a base di e situacion financiero, no por duna ningun compensacion of kledingtoelage.





Source link

Click to comment

Leave a Reply

Your email address will not be published. Required fields are marked *

More in Aruba

To Top