Connect with us

DIMP: BTW lo genera mas entrada pa caha di gobierno

Aruba

DIMP: BTW lo genera mas entrada pa caha di gobierno


Manera ya ta conoci, pa motibo dje pandemia Aruba su economia a enfrenta un cantidad di reto.  Entre otro, pa por lo menos tres luna largo e pilar economico di Aruba a para keto debi cu ningun turista por a bishita nos isla. 

Den cuadro di e landspakket pa loke ta trata e parti di impuesto y reforma fiscal, un di e puntonan cu Hulanda a trece dilanti ta cu Aruba mester sondea e posibilidad pa introduci un BTW of un ABB di 12.5%. Segun mr. Luenne Gomez-Pieters, director di DIMP, asina mester traduci esaki basa riba e economia y sistema di departamento di impuesto di Aruba pa wak si ta posibel pa e ultimo aki carga dicho impuesto.

Gomes-Pieters a sigui bisa cu varios parti rond mundo conoce diferente sistema di BTW, Aruba mes a adapta y adopta e sistema di BBO na 2007 ora cu a introduci esaki. Awo cu varios aña a pasa por bisa cu esaki ta un sistema anticua. Actualmente, Aruba ta den un situacion economico bastante precario segun el a splica, añadiendo cu tin hopi presion riba e presupuesto pa genera mas entrada di impuesto y baha gasto pa asina por yega na un balansa. 

Den esaki, e sistema di BBO lo no ta apto pa genera mas entrada debi cu lo bay carga cierto transaccion cu mas impuesto y esaki ta pone cu e cosnan ta bira impagabel. Un sistema di BTW lo impone impuesto riba comercio na frontera, por ehempel, ora di bestel producto riba internet. Aki caba esaki lo genera un extra entrada pa caha di gobierno.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top