DIMP a tene seminario di informacion pa pensionado

Organisacion Pa Pensionadonan Publico di Aruba (OPPA) a tene un seminario hunto c’un ekipo di DIMP pa duna un charla na e miembronan di OPPA, con pa yena e formularionan di Inkomstenbelasting.

Directora di DIMP, mr. Luenne Gomes-Pieters a indica cu e directiva di OPPA a acerca DIMP pa duna un charla n’e miembronan, unda a bay den detaye con ta yena e formulario y kico ta e cambionan cu tin pa e pensionadonan. Pero tambe kico ta e otro cambionan cu e pensionadonan por spera, esey nan no por a duna mucho informacion di esaki, ya cu e ta un departamento cu ta ehecuta e leynan actual.

Pero si nan a duna capacitacion n’e pensionadonan cu tabatin hopi pregunta riba con ta yena e formulario, pero tambe kico ta e gastonan deducibel. Specificamente pa nan, mirando cu hopi biaha nan tin gastonan extraordinario y tambe cierto desafio cu nan salud y den mayoria caso AZV no ta cubri e gastonan.

Gomes-Pietesz a bisa cu tabatin hopi pregunta y den un ambiente hopi ameno, brindando e informacion pa e miembronan. Lo bin un di dos sesion diahuebs y diabierna, for di 10:00am-12:00pm, unda cu lo duna e mesun informacion y cu nan por vocifera nan pregunta ora ta trata impuesto. Esaki ta den cuadro di e vision di DIMP pa ta mas cerca di e contribuyentenan.

Pa mas lesa TREMPAN