Diamars lo por mira un eclipse parcialdi luna hopi limita

Aruba Astro Research Int. kier a informa na comunidad cu mañan diamars anochi, 17 di September 2024 lo tuma luga un eclipse parcial di luna Saros 118 e lo cubri Norte America, Centro America, Caribe, Sur America, Africa y Europa.

Na Aruba e eclipse parcial ta inicia pa 10:12 pm di anochi y e parti maximo di e eclipse lo tuma luga pa 10:44 pm y e eclipse parcial ta termina pa 11:16 pm y e penumbra ta termina pa 12:47 am di Diaranson marduga, 18 di September 2024. Aruba Astro Research Int. lo cubri e evento aki sacando potret, haciendo filmacion y lo purba transmiti esaki via imagen via AAR su facebookwebpage y na radio esaki lo wordo transmiti na TOP FM 95.1 den e programa Hit Express seccion informativo Astro News.

E sombra cu lo cubri e superficie di e luna ta bay ta solamente 8% so na rand di e luna. Mientras cu e luna ta bay ta den luna yen y supermoon dia 17 di September 2024 pa 10:34 pm AST (Atlantic Standard Time) ora local na Aruba y ora universal UTC dia 18 di September 2024 pa 02:34 am (4 ora mas delanta cu nos region).

E evento celestial di eclipse parcial di luna lo pasa parti zuid paso e luna ta transita pazuid e ta alabes  un supermoon. Sperando cu e tempo lo por coopera cu e nubia lo no stroba. Esaki ta bay ta un eclipse parcial cu un sombra hopi limita di 8% e evento di eclipse mas limita den historia pa cu sombra di nos planeta tera.