Connect with us

Dialogo cu comerciante a duna su fruto: A habri caya grandi pa trafico por circula

Aruba

Dialogo cu comerciante a duna su fruto: A habri caya grandi pa trafico por circula


Gabinete Wever-Croes a anuncia riba red social cu entrante prome di december lo habri e pasada pa trafico den Caya Grandi na Playa. En conexion cu e anuncio aki por a mira presencia di diferente minister, entre otro Minister Ursell Arends na entrada di Caya Grandi pa asina efectua e acto simbolico di corta cinta y duna paso na trafico pa cuminsa pasa libremente den caya.

Na mes momento minister a expresa cu ademas di habri caya, a probecha pa cende luz di Pasco den Caya Grandi y asina duna e chispa di entusiasmo bek den Caya G.F. (Betico) Croes y asina comercio por gana e confiansa bek di e comunidad pero tambe cuminsa inverti den cada establecimento pa por mira e caya principal manera cu e tabata antes, manera nos conoc’e.

Minister Ursell Arends a duna di conoce cu e incentivo pa habri caya principal pa trafico a bin despues di a dialoga cu e representantenan di comercio di centro di ciudad, cu a presenta diferente punto valido cu a hiba na final, un peticion, carga pa tanto su persona como tambe Minister di Economia, mr. Geoffrey Wever, na conseho di minister pa asina diahuebs anochi por a habri e centro di ciudad, Caya G.F. (Betico) Croes, pa trafico por circula bek y asina poco poco atrae desaroyo den e area aki bek.

POR SPERA SANCION (STICKER) DI PARTI ARUPARKING

Di otro banda Minister Ursell Arends a duna di conoce, cu aunke ta cuestiona integridad di gobernante, integridad ta conta pa tur hende. No por ta asina cu ta bay staciona den un area cu no a asigna pa parkeer y pensa cu Aruparking no lo actua, cu ta parti di e conscientisacion na comunidad. E ta di opinion cu poco poco e mensahe ta yegando na e comunidad como cu ta mira menos sticker ta keda reparti pasobra a cuminsa cumpli cu regla di parkeer.

Na momento cu Aruparking bira operacional bek, ta spera cu e comunidad por sa di atene su mes na e reglanan aki tambe y zorg pa cumpli y evita multa y malcontento.

Pa e relato completo, busca bo edicion di Trempan di diabierna.





Source link

More in Aruba

To Top