Connect with us

Diadomingo awo lo tin huma y adrenalina na Palo Marga

Aruba

Diadomingo awo lo tin huma y adrenalina na Palo Marga


Diadomingo awo, dia 17 di april ta bay tin e next evento di drift na Palo Marga cu ta e “Extreme Gymkhana III.” Esaki ta e evento di drift unda cu ta bay tin varios obstaculo riba e pista unda cu e coredo mester haci uzo di su habilidad y tecnica den un tempo record. Diadomingo awo ta bay tin por lo menos 20 drifters cu lo ta participando. E pista principal lo ta dilanti e tribuna. Locual por spera ta un atardi yena cu talento, accion, adrenalina, huma, show di auto, tambe auto nan cu setup di sound cu ta un show riba su mes.

Entrada general ta 15 florin y mucha nan bou di 12 aña ta paga solamente 5 florin. Porta lo habri 2:00 pm y evento lo cuminsa 4:00 pm te cu 8:00 pm. Bar y cushina lo ta bon surti. 

FDA (Formula Drift Aruba Foundation) a wordo funda na 2009 cu un solo meta: Pa e deporte di drifting wordo reconoci como un deporte manera cualkier otro deporte y cu un dia Aruba por tin su mesun pista di drift pa kita drifting riba e careteranan publico di Aruba. Mundialmente ta considera drifting  como un motorsport. FDA t’ey pa duna e ayudo y sosten na tur cu ta practica e deporte. Na e momento aki, drifting ta un di e motorsport nan mas conoci mundialmente.

Kico ta drifting exactamente?
Drifting a cuminsa na aña 70 na Hapon. Keiichi Tsuchiya ta e persona cu a haci drifting masha popular na Hapon. Drifting ta e arte di maniobra un auto unda cu e coredo intencionalmente ta stuur dimas causando e taira nan patras pa perde grip riba caminda pero toch permitiendo e coredo tin tur control di e auto. E ta un arte cu ta tuma hopi habilidad y tecnica.

DRIFTING Y FEVER
Jason Fun, presidente di Formula Drift Aruba, a splica cu ta asha fcil pa sa e diferencia entre “drifting” y “fever”. Mayoria di bes ora tin accidente ta bruha y asina duna “drifting” un mal nomber. Fun ta lamenta esaki debi cu esaki ta stroba pa “drifting” haya e reconocemento di ta un deporte. Nan a acudi na A.S.U. pa e proceso di haya e reconocemento aki.

Pa mas informacion, bishita e pagina di facebook: “Formula Drift Aruba Foundation”





Source link

More in Aruba

To Top