Connect with us

Dia di sakrifisio patrimonial e aña akí den un forma ekstenso despues di dos aña

Korsou

Dia di sakrifisio patrimonial e aña akí den un forma ekstenso despues di dos aña


Dia 4 di mei Gobièrnu di Kòrsou, Marina Real i VKC a konmemorá esnan ku a bringa den di Dos Guera Mundial i esnan ku a muri den guera òf mishonnan di pas. Despues di dos aña ku mester a mantené e seremonia simpel i adaptá na medidanan relashoná ku e pandemia di Covid-19, e aña akí a amplia e seremonia inkluso e sekshon di invitado.

“Libertat den konekshon“ ta e tema pa e aña akí riba Dia di Sakrifisio Patrimonial. Den su disertashon Promé Minister sr. Gilmar Pisas a enfatisá ku libertat tin di haber ku derechi di por aktua, papia i pensa liber, pero na mes momentu konektá ku otro pa lucha huntu pa salbaguardiá nos demokrasia.

Na final di e seremonia ofisial a desvelá un plakat nobo ku ta inkluí tur e nòmbernan di esnan ku a pèrdè nan bida i ku tabata falta riba e plakat ku tabatei. E seremonia a kuminsá 9’or di mainta na e ‘Monumento di Víktimanan di Guera’ na Waaigat. Despues a sigui pa Santana Militar na Roodeweg kaminda bou di guia di Stichting Militair Erfgoed Curacao a tene un seremonia ku veteranonan, algun invitado i tambe hóbennan di CURMIL, Scouting i Brigada di seguridat.

Doden herdenking 1Doden herdenking 2Doden herdenking 3Doden herdenking 4Doden herdenking 5Doden herdenking 6Doden herdenking 8Doden herdenking 9



Source link

More in Korsou

To Top