Connect with us

Di nobo daño konsiderabel na ref di koral na Boka Sami na Kòrsou

Korsou

Di nobo daño konsiderabel na ref di koral na Boka Sami na Kòrsou


Notisia

Di nobo daño konsiderabel na ref di koral na Boka Sami na Kòrsou

    Siman pasá tabatin di nobo daño konsiderabel na e ref di koral di Boka Sami. E kousa?  E barku ‘Oceanic Fortune – Monrovia’, ku tabata mará einan i ku Carribean Sea Diver tabata limpia bou di awa.

    Djaluna 20 di mei Gregory Helmich, dokter i Padi Master Scuba Diver i su kompañé di buseo a bai sambuyá na e sitio. Helmich ta deskribí kon e ref di koral e ora ei tabata ainda den bon kondishon. “Durante di e buseo nos a ripará sinembargo ku e awa tabata hopi trubel i ku e kadenanan ku tabata pegá na e buinan tabata move hopi. Pa motibu di e potensial peliger nos no por a mira di aserka loke tabata pasando,” segun Helmich.

    Despues di e buseo Helmich i su kompañé a mira kon e bientu duru a laga e boto ranka bai bin, di manera ku e tabata kambia diferente biaha di orientashon i tabata ranka duru na e bui. E bui aki ta pegá ku kadenanan pisá na un blòki pisá di semènt òf metal riba fondo di laman. E rankamento konstante aki a okashoná daño konsiderabel na e ref di koral.

    Ora e barku a bai riba djaweps 23 di mei i ku tabata seif pa sambuyá atrobe, Helmich i su kompañé a bai inspekshoná e daño. “E kadenanan grandi di metal, ku normalmente ta drumí riba fondo di laman, a skuif i ranka riba e ref di koral. Esaki a okashoná daño enorme na un área di minimalmente 150 pa 150 meter. E ref di koral ta kompletamente destruí,” Helmich ta konta.

    Helmich a dokumentá e daño ku pòtrèt i a purba di tuma kontakto inmediatamente ku Carmabi i Maritiem Beheer Curaçao, pero no por a alkansá nan. Su siguiente mainta el a hasi un denunsia ofisial serka Carmabi, Curaçao Nature Conservation, Amigu di Tera, Ministerio di GMN,  X-Team, Maritime Authority Curaçao i Wardakosta. Te ku awor el a a haña un konfirmashon di Carmabi so ku nan lo bai investigá e kaso.

    Mientrastantu e barku ‘Oceanic Fortune’ no ta mará mas na Boka Sami, pero te ku djadumingu anochi 26 di mei e tabata mará na Caracasbaai i ta te ainda den awanan rònt Korsou.

    Helmich ta spera ku lo tuma akshon a base di su denunsia. “Esaki ta di dos biaha ku nabegashon ta okashoná daño na gran eskala na e ref di koral di Boka Sami. Apenas naturalesa a rekuperá di e daño di 2019 i awor atrobe e ta kompletamente destruí. Te kaminda mi por kòrda no a hasi un reklamo e tempu ei riba e plataforma di bora; ta di spera ku por ‘responsabilisá’ e barku aki ainda na tempu,” e ta bisa.

    schade rif 2


    4



    Source link

    More in Korsou

    A2Z ADMINISTRATION

    AD

    To Top