Connect with us

Di dos chauffeur di pustamento den accidente fatal a duna su declaracion y laga liber

Untitled design38

Caribe

Di dos chauffeur di pustamento den accidente fatal a duna su declaracion y laga liber


Untitled design38

Autoridadnan ta investigando e rol di chauffeur di un otro auto cu lo tabata envolvi of tin di haber cu e accidente fatal di dia 18 di maart ultimo. E tabata e accidente unda cu e hoben Maximilian Thomas Hernandez Pinedo di 20 aña a perde su bida.

Den e accidente ey tabatin dos vehiculo envolvi, cual ta e Nissan March y e brommer di e vehiculo. Sinembargo riba videonan cu a surgi despues, por a mira of tabatin indicacion cu lo tabatin un pustamento di auto, esta e Nissan March y un otro vehiculo mas.

Informacion ricibi ta mustra cu diabierna ultimo e chauffeur di e di tres vehiculo envolvi den e accidente fatal, a presenta na Warda di Polis pa mira si nan tabatin mester di dje.

Informacion cu nos redaccion di 24ora.com ta dispone di dje ta cu e chauffeur aki, lo tabata pustando cu e Nissan March, cu a hay’e envolvi den e accidente fatal. Autoridad a confisca su auto, un Toyota Vitz blanco. Mester enfatisa cu e chauffeur aki, no tabata chauffeur di e auto den cual e motociclista a dal den dje. Pero pa falta di prueba, e tabata por a bay bek cas. Sinembargo,e ta keda sospechoso den e caso aki y probablemente lo yam’e pa mas interogacion.

E chauffeur di e Nissan March mes ta deteni y lo keda deteni. Normalmente casonan di e indole aki no ta laga chauffeur bay sperando su caso den corte.

https://www.facebook.com/share/v/LPWih6oYbBUZhMi2/?mibextid=WC7FNe

ACCIDENTE
Tabata dia 18 di maart ultimo cu un accidente fatal a sosode, caminda cu e hoben Maximilian Thomas A. Hernandez Pinedo a perde su bida. E tabatin apenas 20 aña di edad. E auto marca Nissan modelo March, color blauw, numera A-50141, tabata bayendo direccion pariba y tabata pasando un truck di sushi cu velocidad halto y a bay dal frontal den e brommer marca Suzuki, numera MFA-2664, cu tabata bahando di pariba bayendo direccion Playa.

Tur cos ta indica cu tabata trata di pustamento entre dos auto. N’e sitio a deten’e e chauffeur di e auto, un Nissan March, cu a ocasiona e accidente na momento cu el a bay pasa un otro vehiculo y a topa cu e motociclista. Despues di e accidente, e chauffeur di e otro vehiculo a bandona sitio.





Source link

More in Caribe

To Top