Connect with us

Deteni: A agredi un hende muhe y a kibra varios cos den bar

Aruba

Deteni: A agredi un hende muhe y a kibra varios cos den bar


Diadomingo marduga polis a presenta na un club nucturno cerca di La Granja den Playa p’un pelea. Na yegada tabata trata mas bien di un problema di pareha. Cos a bay asina leu cu e homber a agredi e hende muhe.

Na prome instante polis a duna e homber un chens pa e move for di e sitio sin cu ta deten’e, aunke cu e hende muhe tabata cla pa entrega denuncia di maltrato. Un rato despues cu polis y e homber a bandona, el a dicidi di regresa na e club y kibra varios articulo parti paden. Polis a bolbe presenta na sitio, pero ya e homber a bandona sitio.

Deteni pa destruccion y maltrato

Posted by 24ora on Saturday, October 23, 2021

Mirando cu a señala su auto staciona no mucho leu di bar, a sospecha cu e ta den e area ainda. No a dura mucho cu a top’e na altura di luz di trafico riba Van Leeuwenhoekstraat. A deten’e mesora y transport’e pa warda di polis.

Parce el a agredi mas cu un persona. Na prome instante e tabata hopi preocupa cu presencia di prensa mirando cu e ta sinti cu ta perhudic’e. E no a probecha di e chens cu polis a dun’e mirando cu el bolbe bek na e bar y destrui algun ekipo di audio, stoel y mas.  





Source link

Click to comment

Leave a Reply

Your email address will not be published. Required fields are marked *

More in Aruba

To Top