Connect with us

Detekshon di droga ehekutá pa Zr.Ms. Holland i Wardakosta

Korsou

Detekshon di droga ehekutá pa Zr.Ms. Holland i Wardakosta


E barku di Marina Hulandes Zr.Ms. Holland, ku na e momentunan aki ta nabegá pa Wardakosta Karibe Hulandes, djabièrne mainta a purba stòp un transporte di droga na parti sùit di Bonaire. Finalmente e ‘go-fast’ a logra hui, pero durante e huida nan a saka droga for di e boto tira den laman, e akshon aki riba laman ta ser yamá un ‘disrupt’.

E transporte di droga a keda detektá djabièrne pa e avion patruyero di Wardakosta Karibe Hulandes. E Sentro di Operashon Marítimo di Wardakosta despues di esaki a manda informashon pa e barku patruyero Zr.Ms. Holland, ku inmediatamente a saka su boto di detekshon FRISC. E FRISC, ku a bordo un ekipo kombiná di tripulashon di barku i Fleet Marine Squadron, a pèrsiguí e ‘go-fast’. Durante e persekushon e tripulantenan di e ‘go-fast’ a tira paketenan ku kontrabanda den laman. E paketenan aki despues di e ‘disrupt’ a keda saká for di
den laman pa e tripulashon di e FRISC. Mas despues e paketenan di droga a keda entregá na Wardakosta ku a entrega esakinan na Kuerpo Polisial Kòrsou. Un total di mas o menos 630 kilo di kokaina a keda saká for di den laman.

Zr.Ms. Holland for di òktober 2022 ta aktivo komo barku patruyero den Region Karibe i ta interkambiá operashonnan kontra trafikashon di droga ku e sosten na Wardakosta Karibe Hulandes.

Detekshon di droga ehekuta pa Zr.Ms . Holland i Wardakosta 2Detekshon di droga ehekuta pa Zr.Ms . Holland i Wardakosta



Source link

More in Korsou

To Top