Connect with us

Desempleo bou di nos hobennan a aumenta

Untitled design57

Caribe

Desempleo bou di nos hobennan a aumenta


” frameborder=”0″ allow=”autoplay” allowfullscreen>

Den un encuesta realisa pa Directie Arbeid en Onderzoek (DAO), Centraal Bureau voor de Statistiek y Banco Central di Aruba, a sali na cla cu desempleo bou di hobennan na Aruba a aumenta.

Relaciona cu esaki, Directie Arbeid en Onderzoek (DAO), den un conferencia di prensa, amplia mas riba esaki. Yvonne Lee-Perez Manager di Departamento di Investigacion di Directie Arbeid en Onderzoek (DAO) a cuminsa na bisa cu si mira e populacion di entre 15 pa 24 aña, e grupo demografico aki no a bira mas grandi.

IMG 13901

Si por mira un grupo toch aceptabel cu tabata inactivo den 2022 awo ta trahando y tin un grupo ta buscando trabou. P’esey e shift. Tur dos a subi: Tanto e hoben cu ta trahando a bira mas hopi y den esunnan desemplea, ainda tin un grupo cu ta buscando trabou.

Den e ultimo añanan, nan tabata testigo di un mehoracion significativo di nan indice di desempleo. Den 2022, e averahe tabata di 9.9% y den 2023, el a baha te na 1.1%. E bahada notabel ta un refleho di e dedicacion y e trabou duro di e poblacion hoben. Den comparacion cu otro regionnan, nos indice di desempleo di 4.0% ta notabelmente abou, compara cu otro islanan den region. Tin hopi rumor cu tin falta di hende pa e proyectonan cu ta den pipeline, cu ta exigi pa mester di mas hende pa traha. Esey ta indicacion cu e cifra di desempleo tambe ta baha.

Lee-Perez a sigui bisa, cu Aruba tabatin un mehora significativo di e indice di desempleo. Na 2022, e indice tabata situa na 9.9% pero na 2023, esaki a baha te cu 1.1%. E cantidad di persona desemplea ta di 4.05% den e ultimo dos decadanan, cual ta un di indicenan di desempleo mas halto na Aruba. Segun Lee, p’esey ta importante pa sa berdaderamente cuanto hende tin cu no tin trabou.

Esaki ta un motibo y tambe mester sa, cuanto hende berdaderamente ta desemplea. Ta spera cu un dia Aruba por yega na e nivel cu no tin desempleo, unda cu tur hende cu kier traha, tin trabou. Esaki ta tambe un parti di e Metanan di Desaroyo Sostenibel (SDG). Meta number ocho di SDG ta pa tur pais yega na cero desempleo.

E participacion den e metanan di Desaroyo Sostenibel ta crucial pa aborda desempleo. Uniendo na otro nacionnan, por traha pa crea oportunidadnan economico inclusivo y sostenibel pa un y tur.

Si compara nos indice di desempleo cu esun di e otro islanan, Lee a bisa, cu “nos por ta orguyoso di nos avancenan. Mientras cu Hulanda por bisa cu nan tin e indice di desempleo mas abou, esun di Aruba di 9.9% ta mucho mas miho compara cu e otro islanan den Caribe. A pesar di e contratiemponan causa door di Covid-19, unda cu e indice di desempleo tabata di 25.9%, el a baha te na 19.9% na 2021.

Resumiendo, aunke ainda tin hopi trabou pa haci, nos ta optimista pa loke ta futuro. Si sigui fomenta un ambiente pa nos obra di man hoben y participa den e esfuersonan di colaboracion na escala mundial, nos lo por supera e retonan di desempleo y construi un mañan mas briyante pa un y tur.�





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top