Connect with us

Deposito di Aruba Incense a kima completo

Aruba

Deposito di Aruba Incense a kima completo


Diamars anochi tabatin un incidente di Aruba Incense situa den Bazinstraat, unda cu tabatin un candela caminda cu e deposito a kima completo.

Diana Welhous-Sanchez, propietario Aruba Incense a conta cu ta trata di un incidente cu e mes no sa kico a pasa ainda. Mescos cu tur dia el a cera e luga y a bay su cas. Despues a yam’e bisando cu e luga ta na candela. Welhous-Sanchez a sali bay pa mira kico a pasa. Pero afortunadamente t’e deposito so a kima.

E propietario a menciona cu e momento ey tabata un preocupacion grandi p’e. E ta gradici Cuerpo di Bombero cu a traha hopi lihe riba e candela. E mes tabata emociona p’e hecho. El a conta cu el a drenta e tienda pa mira kico a kima y kico a pasa. Bombero a hal’e atras pa su propio proteccion n’e momento cu el a drenta y a domina e candela.

Parti paden di e tienda a keda perfectamente bon, segun Welhous-Sanchez. Candela no a afecta e negoshi, tampoco no ta hole kima. Si por bisa cu Aruba Incense ta lanta manera un Phoenix pa trece speransa pa un y tur y e suceso tabata un muestra cu tur hende por sali for di tur inconveniente. Welhous-Sanchez a menciona di ta para riba su pia y ricibi aña 2022.

El a menciona por ultimo cu posiblemente pa diabierna mes Aruba Incense ta habri. A bin controla e coriente caba, wardando e aprobacion di Elmar p’e luga tin coriente y por brinda servicio na su clientela.





Source link

Click to comment

Leave a Reply

Your email address will not be published. Required fields are marked *

More in Aruba

To Top