Connect with us

Departamento di Cultura a organisa mainta di informacion pa grupo di folklore

Aruba

Departamento di Cultura a organisa mainta di informacion pa grupo di folklore


Recientemente, dia 1 di december 2021, Departamento di Cultura Aruba (DCA) conhuntamente cu Direccion di Impuesto (DIMP) a organisa un mainta di informacion pa e gruponan di enfoke folklore esta agrupacion tipico, grupo di baile y cahanan di orgel cu ta forma parti di e proyecto di e plataforma folklore den sector turistico.

E mainta aki cu tabata bon atendi door di e gruponan di enfoke folklorico y unda hopi informacion valioso a ser duna pa locual ta e contribucion di cada grupo of sea como ‘eenmanzaak’ of un NV na e parti fiscal, pues e belasting na pais Aruba.

Di parti DIMP e charla a ser presenta door di Jason Jean Baptiste y Golda Davelaar, aki cada un presente a haya informacion kico ta e proceduranan y con nan tin di registra na DIMP si acaso nan ta formando parti como grupo cu ta entretene nos turistanan den hotel. Presente tambe tabata t’ey e Asociacion di Musica y Artistanan Arubano (AMAA) representa pa Nicole Booi y Maybeline Arends-Croes.

E mainta aki tabata organisa pa Chencho Kelly, lider di investigacion di e seccion di Investigacion y Documentacion di DCA y den cooperacion cu e seccion di GO & NGO representa pa Robert Maduro, coordinado di GO’s & NGO’s. drs. Siegfried Dumfries, director di DCA, kende tambe a hiba palabra e mainta aki y el a expresa cu DCA semper ta dispuesto pa coopera y sostene e artistanan den e ramo folklorico. Esaki, tanto cu e plataforma pa cu turismo y cu charlanan di  informacion riba tur topico cu ta necesario.

Pa mas informaciones por tuma contacto cu DCA via tel.: 5822185 of via mail [email protected] y/of AMAA via mail [email protected] , nan website: www.amaaaruba.com/ , riba website tin e formularionan y FB: amaa aruba .

Departamento di Cultura Aruba kier a gradici cada un cu a mustra nan interes y cu a participa nan e mainta di informacion aki.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top