Connect with us

Den luna di april: Come na cas of riba caya a conoce aumento di prijs

Caribe

Den luna di april: Come na cas of riba caya a conoce aumento di prijs


Captura de pantalla 2024 05 24 173322

Un informe ricibi for di Oficina Central di Estadistica ta papia di e cambio di prijsnan den luna di april.

E informe ta bisa cu cambio di prijs di utilidad (electricidad y awa), gasolin y diesel ta wordo determina primordialmente door di e prijs internacional di petroleo. Na april 2024 e prijs promedio pa bari di petroleo (US$ 85.50) a conoce un subida di US$ 4.49 (5.5%) compara cu maart 2024 (US$ 81.01).

Prijs di electricidad y di awa no a cambia compara cu maart 2024. Consecuentemente, e prijs promedio di electricidad pa vivienda a keda Afl. 274.57, mientras cu e prijs promedio di awa pa vivienda a keda Afl. 168.73.

Prijs di gasolin a registra un subida di Afl. 11.30 cent (4.4%) na april 2024 y a causa un efecto di 0.21 ppt riba e CPI. Prijs di diesel a registra un caida di Afl. 6.30 cent (-2.7%) na april 2024 y a causa un efecto di -0.01 ppt riba e CPI.

Na april 2024, utilidad, gasolin y diesel como grupo, tawata tin un subida di prijs di 1.2% compara cu maart 2024 y hunto tawata tin un influencia di 0.20 ppt riba e CPI, mientras cu e restante 404 bienes y servicio hunto, a conoce un caida di prijs di 0.2% y tawata tin efecto un efecto di -0.13 ppt riba e CPI.

Cambio di prijs di Cuminda y servicio di catering na april 2024

E indice di “Cuminda & servicio di catering” a registra un subida di 0.3% na april 2024, despues di a registra un subida di 0.2% na maart 2024. E indice di “Cuminda na cas” (0.3%) a registra un subida, unda shete (7) di e diesun (11) indicenan di e gruponan di cuminda na cas a subi na april 2024.

E indice di “Fruta” a conoce e subida di mas grandi (2.3%) na april 2024. Otro subidanan significante a wordo registra den e indicenan di “Berdura” (1.2%) y “Pan y otro productonan di grano” (0.8%).

E caida mas grandi a wordo registra den e indice di “Batata, yuca y batata dushi” (-3.9%) na april 2024. E indice di “Cuminda pafo di cas” a registra un subida di 0.2% na april 2024. Na april 2024, “Cuminda na cas” y “Cuminda pafo di cas” como grupo, tawata tin un subida di prijs di 0.3% compara cu maart 2024 y hunto tawata tin un influencia di 0.05 ppt riba e CPI, mientras cu e restante bienes y servicio hunto a experencia un subida leve di prijs di 0.03% y tawata tin un efecto di 0.02 ppt riba e CPI.





Source link

More in Caribe

A2Z ADMINISTRATION

AD

To Top