Connect with us

Den caso di abuso sexual cu menor: No por culpa e hues

Caribe

Den caso di abuso sexual cu menor: No por culpa e hues


Hues2

Despues di e sentencia den e caso di abuso sexual cometi riba un menor di edad, por a scucha hopi critica riba e hues cu a atende e caso. Pero no por culpa e hues.

Ta trata di e caso contra e homber Chapi Morales condena na cinco aña di prizon pa abusa di un mucha muhe menor di edad, di parti patras. Un mucha muhe cu tabata cuida su yiunan den fin di siman. Y tabata e mama di e menor a descubri e caso y a bati alarma na autoridad.

Den tur e comentarionan duna, por a scucha entre otro “sigur e ta un homber” of “sigur e ta un macamba”. No. E ta un Rubiano y e ta un hende muhe.

E huesnan ta traha den cuadro di ley, den cuadro di puntonan describi den ley con un castigo por subi y te cuanto e por subi.

Hues2

Asina ley ta bisa specificamente un persona por a mata un hende, pero si e ta un first offender, mester tene cuenta cu esaki. Tambe mester tene cuenta cu un persona su estado mental, esta e conclusion cu expertonan a yega na dje. Si e ta completamente responsabel pa su acto of no. Y si e no ta completamente responsabel, basa riba rapport ricibi, e castigo ta bira menos. Pues ademas di ley y e echo cu a tuma luga, mester tene cuenta cu circunstancianan personal di e acusado y testigonan. 

Tampoco por impone un castigo si e sospechoso no ta culpabel, pero si a comete e delito. Por impone un medida si e echo castigabel a wordo cometi pero cu e sospechoso no ta culpabel. Esey ta sosode ora p.e. e tabata den un estado di locura momento di comete e crimen.

Si mira e caso di diabierna, unda cu un homber di casi 40 aña a viola un mucha muhe menor di edad mas cu un biaha na su  parti patras,  hopi lo bisa e castigo ta tiki. E opinion personal di e hues, cu e no mag duna, probablemente tambe ta esey. Pero como hues su opinion personal of sentimentonan no por hunga un rol den ningun caso cu e ta atende. Aunke mester bisa cu na momento cu el a lesa e sentencia contra e homber, den e palabranan uza por mira cu el a condena e actitud ora cu a bisa cu el a tene cuenta cu tur e “leugenachtige verklaringen vandaag in het gerecht”. Esaki pasobra e homber a nenga cu el a tene relaciona sexual cu e menor y cu ta un relacion amoroso nan tabatin.

Hues
Close up of Male lawyer or judge hand’s striking the gavel on sounding block, working with Law books, report the case on table in modern office, Law and justice concept.

Pa e tipo di casonan aki, ora cu un bes so el a sosode, e norma tres aña. Esaki ta loke e fiscal tambe a splica prome cu el a haci su demanda. Y a tene cuenta cu sentencianan anterior cu ta yega hopi cerca di otro, sea na Aruba of den otro partinan di Reino.

Y si mira e castigo impone, cu ta cinco aña, tin un avance compara cu algun aña atras ora cu loke ta impone ta hopi mas abou, no tabata yega ni tres aña. Y awo den e caso aki y algun otro, a impone 5 y 6 aña. E castigo adicional di e homber aki ta cu asina cu e caba di sinta esaki, ta deporte di Aruba, ya cu e ta kedando aki cu un permiso.

Huesnan den caso penal ta mara na diferente aspectonan prome cu yega na tuma un decision, cu no ta depende di nan. P’esey no culpa e hues.





Source link

More in Caribe

A2Z ADMINISTRATION

AD

To Top