Connect with us

Demanda mas halto cu castigo: Procurador ta pidi cuater aña pa Benny Sevinger

Caribe

Demanda mas halto cu castigo: Procurador ta pidi cuater aña pa Benny Sevinger


Untitled design385

Rond di 12:00 PM Procurador General a caba cu su rekisitorio den caso Avestruz den Hof den cual tabatin shete acusado. Exigencianan di castigo cu no ta mucho diferente di loke a haci den prome instancia. Pero si diferente di loke tabata e sentencia mes.

Ministerio Publico a apela sentencia di tres acusado den caso Avestruz. Ta trata di e casonan contra Benny Sevinger, Leoncita Arends y Pieter Sussebeek. E otro acusadonan no tabata di acuerdo cu nan sentencia y tambe a apela.

Den caso di e acusadonan Carlo Mansur, Curt Harms, Ninosca Nuñez y Gaby Werleman, Procurador General simplemente a pidi pa ratifica loke cu a impone den Corte di Prome Instancia: Pa Harms a pidi 180 ora di trabou pa comunidad y un boet; y pa e otronan dos aña di prizon mas un boet (25 mil florin).  

Patrick van der Biezen, fiscal encarga pa suministra informacion na prensa, den declaracion duna pafo a bisa cu OM no ta bou di ningun presion politico y tampoco ta wordo guia politicamente.

Na mesun momento el a informa cu e caso di ontneming contra Benny Sevinger no ta tuma luga awo ainda. No a palabra un fecha pa su tratamento pasobra corte ta prefera pa warda resultado di Hof. Probablemente na luna di october lo tin otro Regiezitting pa mira con lo sigui cu e caso. Pero mientrastanto tin beslag poni riba e cas di e acusado Benny Sevinger pa un suma di 900 mil florin. Ta pronostica cu e tipo di casonan asina lo tuma luga algun luna.

APELACION

E demanda den su totalidad a keda practicamente mescos cu loke a pidi den Corte di Prome Instancia. Den caso di ex-minister Benny Sevinger OM a insisti riba un demanda mas halto di loke tabata e castigo.

E demanda di PG tabata como lo siguiente:

Pieter Sussebeek: Demanda tabata tres aña. Su sentencia tabata 2 aña di cual un aña ta condicional y un boet. A pidi tambe pa verbeur (renuncia) n’e suma di 1.3 miyon dollar cu tin confisca. E peticion aki ta pa confirma e sentencia di Prome Instancia.

Leoncita Arends: A demanda tres aña contra dje. Castigo tabata 2 aña di cual mita tabata condicional.

Benny Sevinger: A pidi cuater aña y el a haya 12 luna di cual 6 luna ta condicional. Den prome instancia e demanda tabata cinco aña. Tambe pa 8 aña e no mag eherce un funcion publico.





Source link

More in Caribe

A2Z ADMINISTRATION

AD

To Top