Connect with us

Delegacion di Aruba di bishita na Hulanda

Aruba

Delegacion di Aruba di bishita na Hulanda


Despues cu un delegacion consistiendo di tur Lider di Fraccion, Presidente di Parlamento y Griffier a yega dialuna atardi Hulanda, ya e dia siguiente a cuminsa cu e bishitanan di trabou riba schedule.

Bishita na Raad van State

E dia a cuminsa cu un bishita di trabou na Raad van State (RvS) caminda nos a haya un presentacion amplio di e organo aki y alabes a trata algun topico di interes. Fraccion di MEP a para keto na e preocupacion encuanto e rol di parlamento den full e proceso cu ta tumando lugar pa loke ta trata COVID, COHO y landspakket. Alabes a trata e parti cu un biaha mas ta keda enfatisa e falta di un geschillenregeling den Reino y cu nos ta keda para pa su realisacion. Otro topico cu a keda trata ta e ley di Ombudsman cu ainda mester keda finalisa y cu nos ta mira como un prioridad. Tambe nos a haya chens pa combersa cu nos representante den RvS sra. Milly Shwengle caminda nos a trata diferente punto.

Bishita na Arubahuis

Despues nos a sigui cu nos bishita di trabou na Aruba Huis caminda nos a keda ricibi pa e Gev. Min sr. Besaril, Director sr. Lin y demas personal.

Durante e bishita aki a trata diferente punto entre otro:

            ⁃           plan di reorganisacion di Arubahuis:

            ⁃           Falta di personal

            ⁃           Retonan (vivienda, AVG, bsn nr, seguro, salud mental etc) di nos studiantenan y con Arubahuis ta atende cu esaki y kico ta e knelpunten

            ⁃           Programa di mentor y su desaroyo

            ⁃           COHO y Landspakket

            ⁃           Introduccion di incentiva (via DUO/Arubalening) pa nos graduadonan regresa Aruba.

Tur esakinan teniendo na cuenta e rol cu Parlamento por hunga den esakinan. Sigur un dia hopi fructifero caminda bo ta mira un bes mas cu parlamento por hunga un rol importante riba diferente topico y aspecto cu nos a trata riba e dia aki.





Source link

Click to comment

Leave a Reply

Your email address will not be published. Required fields are marked *

More in Aruba

To Top