Connect with us

Delegacion di Aruba a participa na reunionan consultativo cu CBP na Washington DC

Aruba

Delegacion di Aruba a participa na reunionan consultativo cu CBP na Washington DC


Bou di mandato di Minister di Turismo & Salubridad Y Prome Minister di Aruba, un delegacion consistiendo di representantenan di Ministerio di Turismo, Ministerio di Husticia, Director di Departemento di Relacionnan Exterior, Aruba Airport Authority, Embahada di Reino Hulandes y lidera pa Minister Plenipotenciario na Washington DC, a participa na un reunion consultativo cu Customs & Border Protection (CBP) y State Department riba e topico di US Preclearance na Aruba.

Aruba, como un di e prome paisnan na mundo, a negocia un tratado di pre-inspeccion di imigracion y duana cu Merca na aña 1994 y a logra establece e US Preclearance na aeropuerto internacional Reina Beatrix. E CBP Preclearance ta sumamente importante pa mantene e stabilidad y crecemento di Aruba su turismo cual ta consisti pa su gran mayoría di bishitantenan Mericano.

E CBP a expresa ya pa basta tempo e necesidad pa modernisa y amplia e tratado di Preclearance di aña 1994, entre otro falta di capacidad humano y limitacionnan presupuestario. Mirando e importancia di e US Preclearance pa Aruba su economia, Gobierno a priotisa e topico aki y afirma su compromiso pa yega na renegociacion di e tratado.

Prome cu e reunión consultativo cual a tuma lugar na Washington DC dianan 20 y 21 di Oktober, e partidonan envolví a delibera en extenso riba topiconan di seguridad, aspectonan operacional y interpretacion legal. E reunionnan a bai den un ambiente constructivo durante cual ambos banda a expresa nan compromiso pa Aruba mantene e US Preclearance cu e condición cu lo drenta den un proceso di renegociación di e tratado pa por cumpli cu e exigencianan legal y operacional pa cumpli cu e di actualidad cierto cambionan operational.

Partidonan a dileña un plan di acción detaya cu lo mester tuma lugar prome cu e high-season benidero y anterior na e renegociación di e tratado. E delegacion a expresa pleno confiansa cu e deliberacionanan lo conduci na bon resultadonan, tanto pa Aruba como pa US CBP.





Source link

Click to comment

Leave a Reply

Your email address will not be published. Required fields are marked *

More in Aruba

To Top