Connect with us

Defensa ta sostené outoridatnan lokal durante ku tormenta ta pasando Aruba i Kòrsou

Korsou

Defensa ta sostené outoridatnan lokal durante ku tormenta ta pasando Aruba i Kòrsou


Outoridatnan di Aruba i Kòrsou a hasi un petishon na Defensa pa sostené nan durante e tormenta ku lo pasa durante e oranan benidero banda di e islanan. Defensa ta duna oido na esaki i ta pone personal i medionan na disposishon.

Awe a kuminsá na Kòrsou e desempeño konhunto, di Kuerpo Polisial di Kòrsou (KPC) huntu ku Milisia di Kòrsou (CURMIL). Desde un kantidat di 4 ofisinanan di bario di KPC, patruyanan mobil ta keda ehekutá, ku e propósito di haña konsientisashon di e situashon ku nos ta aden, i for di e punto ei e sentro di krísis di KPC ku ta establesé, por reakshoná na un forma adekuá, pa medio di ubikashon di personal i material kaminda esei ta nesesario. Banda di esei, si esaki ta nesesario, por duna asistensia na momentu di evakuashon di persona òf bienes,  transporte di heridonan, ehekushon di tareanan di transporte, gestion di tráfiko státiko i dinámiko i aplikashon di mantenshon di órden.

Na Aruba tin 50 militar i material na ‘stand-by’ pa sostené outoridatnan lokal kaminda ta nesesario ku kapasidat di transporte, asistensia na servisionan di emergensia i suministro di rekursonan logístiko.

E paisnan mes ta tuma e inisiativa rondó di e kordinashon i direkshon di e tareanan i Defensa ta sostené kaminda ta nesesario ku hende i material. Ademas di e rekursonan di Defensa, ku ya ta ser desplegá, ta posibel pa amplia esakinan si ta nesesario. Apoyo na outoridatnan lokal ta un di e tres tareanan primordial di Defensa. Defensa ta komprometé su mes pa yudansa (di emergensia) durante i despues  ku e tormenta pasa bai. E asistensia en prinsipio ta terminá djabièrnè dia 1 di yüli atardi. En kaso ku e situashon ta rekerí esaki, e asistensia militar por keda alargá.

kustwachtPhoto 3 2



Source link

More in Korsou

To Top