Connect with us

Defensa ta refuta culpabilidad di Benny Sevinger y ta splica strategia fiscal na corte

Caribe

Defensa ta refuta culpabilidad di Benny Sevinger y ta splica strategia fiscal na corte


” frameborder=”0″ allow=”autoplay” allowfullscreen>

Dialuna na corte, e abogadonan mr. Demis Illes y mr. David Kock, e representantenan legal di parlamentario y ex- Minister di Infrastructura, Benny Sevinger, y di Pieter Sussebeek a bin cu un defensa contundente contra e acusacionnan di enrikecimento ilicito y speculacion riba tereno.

Ambos abogado a desmenti e acusacionnan y a splica den detaye e structura fiscal uza pa nan cliente.

Illes a cuminsa na coregi den corte loke el a considera como acusacion incorecto. El a señala cu varios empresa, incluyendo esun di Sussebeek, a pidi tereno di manera legal. Cu excepcion di un empresa bendi, Sussebeek a explota y ta sigui explota tur su tereno y negoshinan, locual no tin nada di malo, Illes a indica.

Fuera di esey, a presenta prueba pa desmenti e acusacionnan di enrikecimento ilicito di e benta di un empresa of participacion den un NV, subrayando cu gana placa di e manera aki, no ta un delito.

IMG 7942

Durante su intervencion, Illes tambe a menciona cu e structura fiscal uza tabata un recomendaion specialisa pa su cliente. E structura fiscal ta un area specialisa. A uza un structura adecua y no a purba sconde placa. Na final, tur hende tabata sa di ken e placa tabata, el a splica.

El a expresa su confiansa cu corte lo compronde miho e funcionamento di e structura fiscal y lo coregi cualkier mal comprondemento inicial.

Abogado mr. David Kock, tambe parti di e defensa di Sevinger, a destaca riba e inocencia di su cliente. E dianan aki tabata maratonico, el a bisa, agregando cu nan mester a desbarata cada punto restante di e prome instancia.

A declara Sevinger liber di varios acusacion y e defensa a apela contra esunnan cu cual nan no tabata di acuerdo. Ministerio Publico tambe a apela, cu excepcion di e caso di labamento di placa, di cual no a acusa Sevinger. E proceso aki tabata uno largo pasobra nan mester a revisa e caso aki for di cero, Kock a splica.

IMG 7935

Kock tambe a toca tema di e acusacionnan di fraude, señalando cu su cliente no tabatin e capacidad di emiti decision ministerial of di e opcion riba tereno riba su mes, ya cu tal accion tabata den man di e Departamento di Infrastructura (DIP).

Den e prome instante, a persigi e ex-director di DIP y un otro persona cu tabata traha cu Sevinger, cu despues a declara liber. Ta imposibel sigui persigui Sevinger bao di e circunstancianan aki, ta loke cu Kock a añadi.

“Nos ta hopi positivo con e caso ta bayendo, con e tratamento a bay ayera, dialuna. Awo nos tin di warda un par di otro sospechoso cu nan caso lo ta trata diamars y diaranson ta bek mainta. E no lo bay ta asina largo, pa djis un reaccion di parti di Ministerio Publico, comentario di defensa, e ultimo palabra di e sospechosonan pa despues hues lo stipula un fecha p’e decision,” Kock a bisa por ultimo.





Source link

More in Caribe

A2Z ADMINISTRATION

AD

To Top