Connect with us

Debi na molester di construccion a muda entrada di opname di HOH pa edificio MOB

Aruba

Debi na molester di construccion a muda entrada di opname di HOH pa edificio MOB


Posted on 04/22/2022 2:24 pm AST | Updated on 04/22/2022 2:24 pm AST

ORANJESTAD – Debi na molester di construccion actual na hospital Horacio Oduber, nan a muda entrada di opname di HOH pa edificio conoci como e Medical Office Building, osea MOB. No ta conoci si e incidentenan di e siman aki unda cu parti di plafond a cay aden, tabata parti di e decision aki, pasobra no ta haci mencion di esey den e comunicado di HOH, mientras cu awe mainta e portal aki a raporta e incidente. 

MOLESTER  

Segun e comunicado, ta ‘durante varios dia caba e departamento di Opname di Horacio Oduber Hospital ta sinti molester di e construccion cu ta andando’. Esey ta e unico cu nan ta menciona di e molester. ‘Pa motibo di siguridad a dicidi di muda e departamento aki temporalmente na e edificio di MOB, esta e Medical Office Building cu ta e prome edificio di 2 piso cu ta topa ora subi tereno di Hospital’, e comunicado ta sigui bisa. Pues, desde dialuna 25 di april  nan lo ta ubica den nan localidad temporal na edificio MOB.

TENE CUENTA 

Si bo persona mester acudi na departamento di Opname, paso pronto lo mester wordo admiti na Hospital pa un operacion por fabor tene cuenta cu e cambio aki.

RESPONSABEL

E comunicado ta finalisa bisando cu trahando na un manera responsabel y sigur p’e pashentnan ta un prioridad fundamental pa e institucion aki. ‘Na final di e proyecto di construccion, Hospital lo por brinda mas y miho cuido na tur pashent’.





Source link

More in Aruba

To Top