Connect with us

Deadline ta yegando pa recorte di 12.6%

Aruba

Deadline ta yegando pa recorte di 12.6%


Siman pasa pueblo a presenta na parlamento pa manifesta. Aki e diferente sector, specialmente e sindicatonan, a expresa cu nan no kier pa sigui cu e recorte di 12.6%.

Lider di fraccion MAS, drs. Marisol Lopez-Tromp, a splica cu su fraccion tabata presente na momento cu e manifestantenan a yega y por a scucha e preocupacionnan. Despues nan a bay rumbo Bestuurskantoor caminda minister presidente a bisa di a manda un carta Hulanda algun luna atras y pidi pa hacie 6.3%. E parlamentario no a mira e carta ey, pero loke si e sa ta cu minister di Finansas a informa awe cu mañan nan tin reunion cu sindicato y e deadline ta otro mañan.

Loke a resalta ta cu te awo gobierno a cobra e 12.6%, hopi ciudadano, hopi hende, hopi compania a coopera cu e solidarismo pensando cu nan ta aporta pa esunnan cu no tin y mester, cu ta pasando den dificultad. Aworaki cu loonsubsidie y FASE a para, di cual a trata e ley, a resulta cu e ta ful un otro situacion.

Minister di Finansas a bisa cu nan ta bay mira e conseho duna pa CFT. Pero den e rapport di CFT esaki ta hopi cla, pasobra ta poni cu gobierno tin di bay baha su gasto personal. Cu gobierno tin di percura cu e aparato publico ta mas eficiente. Manera minister presidente a priminti den un nota, un documento, cu gradualmente e ta bay haci aparato publico mas chikito y mas eficiente. Awo por mira cu nada di esey no ta cuadra. Alcontrario por a mira puro nombramento politico, ainda tin caso di spirito, pronto lo publica esaki tambe.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top