Connect with us

De Cuba: Accion di trahadonan di Serlimar a termina

Aruba

De Cuba: Accion di trahadonan di Serlimar a termina


Posted on 10/27/2021 3:22 pm AST | Updated on 10/27/2021 3:25 pm AST

ORANJESTAD – E accion di trahadonan di Serlimar a termina diaranson merdia. Asina presidente di sindicato STA Diego de Cuba a confirma pa noticiacla. Esaki a sosode despues cu e sindicato a reuni cu minister encarga sr Ursell Arends. Segun de Cuba, a palabra cu ta bay traha, y cu e situacion a wordo presenta y cu awor tur hende sa kico ta kico. Pues ta ora pa bay traha bek. Mes momento e sindicalista ta pidi pa un investigacion den e compania, mirando cu esaki lo ta pesta di corupcion, di varios aña bieu. Kier pa haci un test case di e compania aki pa asina establece esaki. 

TRABOU

Durante e tres dianan aki, e trabou a keda para y e compania diamars a te hasta saca un comunicado informando di esaki. E informacion tabata cu ‘te proximo aviso’ lo no tabatin servicio di e compania. Segun e sindicalista De Cuba, no ta problema pa ‘pick up’ e trabou unda cu e la keda para, ya cu esaki a pasa den pasado caba y nan sa con pa regla esaki. Pues cu tur hende ta haya nan servicio bek. 

PROBLEMA

Motibo di e accion tabata varios. For di supuesto negligencia di gerencia pa cu e personal pa nan material di trabou, te na falta di pago pa nan y mucho mas. Ademas, duda den capacidad di e gerencia interino, tur a pone cu e trahadonan a dicidi di bati alarma pa dos pa tres dia, pa asina purba trece mehoracion. Potret ta di archivo di un otro accion di e trahadonan na Serlimar ora cu nan a bishita Bestuurskantoor tambe. 





Source link

Click to comment

Leave a Reply

Your email address will not be published. Required fields are marked *

More in Aruba

To Top