Connect with us

Darlaine Erasmus (MEP) a entrega mocion pa realisa proyecto pa persona cu limitacion fisico

Aruba

Darlaine Erasmus (MEP) a entrega mocion pa realisa proyecto pa persona cu limitacion fisico


E fecha 3 di december ta wordo reconoci como ‘Dia Internacional di Personanan cu Capacidad Limita’ desde aña 1992. Resultado di CENSO 2020 ta ilustra cu tin 5.590 persona cu un of mas limitacion na Aruba y tin un averahe di 11,8% di hogarnan cu tin un of mas personanan cu limitacion. 

E cifranan aki ta duna nos un bista di e importancia cu como pais nos mester mira unda nos por yuda pa mehora e participacion di persona cu limitacion den nos sociedad pa asina mescos cu cualkier otro persona por biba na un manera independiente den nos comunidad. 

Durante Reunion Publico no. 4, dia 21 october 2021, mi persona a entrega un mocion na cual mi a urgi pa realisa un proyecto pa personanan cu un of mas limitacion fisico. E proyecto aki ta encera pa instala un pasada dilanti Strandpolitie na Noord y un na Rodgers Beach of Baby Beach te den lama pa asina nos ciudadanonan y turistanan cu un of mas limitacion fisico y / of adultonan mayor por tin acceso na esaki.  

Un otro punto cu mi persona ta bogando y na e momentonan aki ta trahando riba dje ta, pa mehora e acceso na transporte publico, specialmente pa persona visualmente incapacita. E mehoracionnan aki lo yuda pa asina nan mes por yega nan destino na un manera sigur, manera na nan trabou of dokter y tambe pa nan por disfruta y sinti nan independiente den nos comunidad. 

Como parlamentario mi ta keda boga y traha pa asina tur persona cu limitacion por tin un bon cuido, brinda nan ayudo pa desaroya nan cualidadnan cu nan tin y pa nan por participa activamente y independientemente den nos comunidad. 





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top