Dama di bida sexualmente maltrata den marduga: Persona den auto A-61899 ta e sospechoso

Un caso cu a dal un buelta radical na momento cu a bin constata cu un number di auto envolvi den un caso serio di maltrato sexual den hanchi/ caya di San Nicolas, ta pertenece na un politico cu ultimo eleccion tabata riba lista di partido Raiz, cu actualmente ta forma parti di e coalicion di gobernacion di Gabinete Wever Croes II.

Diadomingo marduga, manece dialuna den careda di 12;45 am ta bati alarma na polis di un caso di agresion sexual cu a caba di tuma luga. Ta pidi e patruya pa presenta y atende cu e victima cu a declara un persona den un vehiculo lo a maltrat’e sexualmente y bah’e bek na un distancia di e bar cu e ta traha na dje.

Kico ta locual a tuma luga e anochi en cuestion

Un dama di bida, eherciendo su trabou di anochi a acepta di brinda su servicio na un cliente. E persona den un vehiculo color shinishi a haci e peticion na e dama aki pa algun servicio sexual cu promesa di pag’e un suma mas halto cu normal. El a bis’e cu pa e biaha aki e ta pag’e Fl.300,= pero cu e mester a bay cu ne den auto pa asina nan bay saca e placa. 

Su eror di mas grandi esey tabata! E dama aki ta un persona recien yega, no conoce e clientela y no tabata informa di e historial di persona aki. E sospechoso aki, cu tin varios incidente cu a sosode caba cu ne, caminda e lo a agredi diferente otro dama di bida y cu ta pa e motibo ey mes nan no ta subi cu ne mas.

Lastimamente e momento ey e dama agredi no tabata sa esey. El a subi auto y a bay direccion zuid. Nan a pasa den area di bushalte y den cercania di un restaurant Chines lo a busca un caminda pa staciona abruptamente. 

El a cuminsa masturba!

Por lesa e relato completo den bo edicion di Trempan di awe.