Connect with us

Dama a pordona mesora despues di golpi

Aruba

Dama a pordona mesora despues di golpi


Diabierna anochi polis a bay pura den direccion di e area di hotel, highrise. A drenta informacion cu un dama a yama polis pasobra; tin un homber ta maltratando un dama den forma increibel. Polisnan motorisa tabata t’ey mesora na e sitio. Prome instante no a haña e pareha. Djey a topa un auto Kia Sportage cu e pareha envolvi.

Polis a separa e pareha for di otro p’asina atende cu nan storia separa di otro. Di eynan a atende e dama cu a conta cu e homber a dal e. Pero e no kier entrega keho. E kier pa polis solamente zundra e homber y no deten’e tampoco. Mas cu un biaha polis a puntr’e si e kier entrega keho y el a nenga. E no kier tende di duna keho y solamente kier pa polis zundra e homber. E dama tabata tin hasta un kap chikito cu sanger na frenta. Polis a bis’e cu e ta herida. Aunke polis ta mir’e herida, toch e dama ta keda insisti cu e herida ta make up e ta riba su cara.

Cu e herida cu polis ta mira ta make up cu a susha su frenta. Despues di scucha tur e storia di e dama, polis a cumpli cu e deseo di e dama cu a haña golpi di e homber. A papia cu e homber seriamente pa no comete e acto mas. E realidad di bida ta cu ora bo acepta golpi un biaha na man di un homber, e lo sigui dal bo y asina bo lo keda biba y acepta cada biaha cu e agredi bo.

Segun a tende na e sitio cu e dama a rabia pasobra e ex di e homber a yame durante su presencia. E homber tin yiu cu e ex y e yamada di e ex tabata relaciona cu e yiunan. Basa riba e yamada aki e dama a rabia cu su frei te cu sla a cay y el a keda herida. Despues di pordona e pareha a bandona e sitio hunto atrobe den e mesun auto.





Source link

Click to comment

Leave a Reply

Your email address will not be published. Required fields are marked *

More in Aruba

To Top